Onkoloji xəstələrə Vitamin C ümidi - Damara vurulduqda...

2017.08.16 16:14
17967 Baxış

Keçən əsrin 70-ci illərində amerikalı kimyaçı alim, 2 dəfə Nobel mükafatı laureatı Laynus Polinq onkoloji xəstəliklərin terapiyasında venadaxili yüksəkdozalı vitamin C-nin tətbiqi zamanı müalicə effektinin xeyli yaxşılaşdığını bildirib.

Medicina.az xəbər verir ki, 2009-cu ildə ABŞ milli sağlamlıq institutunun əməkdaşı Mark Levin və həmkarları da bu məlumatın doğruluğunu sübuta yetiriblər. Vitamin C-nin şiş hüceyrəsinə daxil olması çox miqdarda peroksidin yaranmasına səbəb olaraq o hüceyrəni məhv edir. Şişlə əlaqəli oksidativ stress onkoloji pasiyentlərdə əlavə olaraq cərrahi müdaxilə, kimya və radioterapiya nəticəsində daha da ağırlaşır. Hazırda oksidativ stresi aradan qaldırmaq üçün istifadə edilən ən zəngin elmi sübutu olan antioksidant-yüksəkdozalı vitamin C-dir (L-ascorbat).

Yüksəkdozalı vitamin C-nin (L-ascorbat) infuzion terapiyası onkoloji xəstələrdə fiziki, emosional, koqnitiv funksiyaları yaxşılaşdırır, həmçinin, yorğunluq, ürəkbulanma, qusma, ağrılar xeyli azalır, iştahın yaxşılaşması qeyd olunur. Beləliklə də, pasiyentlərin həyat keyfiyyəti yaxşılaşır.

Yüksəkdozalı Vitamin C ilə pilləli terapiya:

7,5 q Vitamin C – həftədə 1 dəfə v/d, bir saat ərzində

I həftə 7,5 q Vitamin C + 100 ml NaCl

II həftə 15,0 q Vitamin C + 250 ml NaCl

III həftə 22,5 q Vitamin C + 500 ml NaCl

IV həftə 30,0 q Vitamin C + 500 ml NaCl

V həftə 37,5 q Vitamin C + 500 ml NaCl

VI həftə 45,0 q Vitamin C + 500 ml NaCl

VII və növbəti həftələr- 52,5 q Vitamin C + 500 ml NaCl

52,2 q Vitamin C saxlayıcı dozadır. Müalicə 3 ay davam edir

Yüksəkdozalı Vitamin C ilə şok terapiya

Gün ərzində hər 6 saatdan bir 22,5 q. vitamin C (cəmi 100 q/gün)