Omikron insan dərisində neçə saat qalır?
- 2022.01.27 15:53
- 1693 Baxış
Yaponiyanın Kyoto Tibb Universitetinin tədqiqatçıları Uhanda yayılan koronavirusun ilk ştammı ilə onun digər ştammları arasındakı fərqləri araşdırıblar. Məlum olub ki, virusun “Alpha”, “Beta”, “Delta” və “Omikron” ştammları plastik səthlərdə və dəridə “Uhan” ştammından daha çox yaşaya bilirlər.
Tədqiqatda “Uhan” ştammının plastik səthlərdə orta ömrü 56, “Alpha” variantının 191,3, “Beta” variantının 156,6, “Delta” variantının 114, “Omikron” variantının isə 193,5 saat olub.
İnsan dərisində isə “Uhan” ştammı 8,6 saat, “Alpha” ştammı 19,6, “Beta” ştammı 19,6, “Delta” ştammı 16,8, “Omikron” ştammı isə 21,1 saat mövcudluğunu qoruyub saxlayıb.
Tədqiqatçılar həmçinin müəyyən ediblər ki, “Alpha”, “Beta”, “Delta” və “Omikron” ştammları spirtə qarşı bir qədər müqavimət göstərsələr də, 35 faizlik spirt məhlulu ilə təmasda olduqdan sonra bütün ştammlar 15 saniyədən sonra tamamilə təsirsiz hala gəlib. /oxu.az/
Ən Çox Oxunanlar
Yeni Xəbərlər
