Noxudu islatdığınız suda bişirməyin! - PAXLALI BİTKİNİN 20 FAYDASI
- 2019.08.28 15:33
- 28188 Baxış
Azərbaycan mətbəxində sevilərək istehlak edilən noxudun faydalarını saymaqla bitmir. Noxudu bişirməzdən bir gün əvvəl mütləq suda saxlayırıq. Lakin həmin suda bişirmək qətiyyən olmaz. Çünkü həmin su vitamindən çox zəhərlə doludur. Mütəxəssislər noxudu ən az həftədə iki dəfə qəbul etməyi məsləhət görür.
Medicina.az noxudun sağlamlığa faydalarını araşdırıb.
• Göy noxud A, C və B qrupu vitaminlərinin yanında dəmir, fosfor və kalium kimi mineralları da içində saxlayan bəsləyici bir paxladır. Quru yaşıl noxud zülal və nişasta baxımından təzə yaşıl noxuddan daha zəngindir. Bununla birlikdə, təzə yaşıl noxudu həzm etmək daha asandır. Noxud yüksək
zülallı qida və yem məhsuludur.
• Tərkibində olan liflərə görə bağırsaqlar üçün faydalı sayılır.
• O sinir sisteminin fəliyyətini yaxşılaşdırır, yuxunu normallaşdırır.
• Təzə noxudun suyu dəri və saçlar üçün çox faydalıdır. Noxud hüceyrələri qidalandırmaq və dəridəki yara izlərini sağaltmaq qabiliyyətinə malikdir.
O saç köklərini möhkəmləndirir, tökülməsinin qarşısını alır.
• Artıq kilodan xilas olmaq istəyənlər noxud dieti saxlayaraq, piylərdən xilas ola bilər. Belə ki, gün ərzində yalnız noxud yeməklə arıqlamaq mümkündür.
Noxud orqanizmin vitamin və mineral balansını saxlamaqla aclıq hissini aradan qaldırır və artıq çəkidən azad olmağa yardım edir.
• Gün ərzində 2-3 stəkan bişmiş noxud yemək orqanizm üçün lazımsız xolesterolun azalmasına səbəb olur. Mütəxəssisilər noxudun ürək əzələsini qüvvətləndirmək qabiliyyətinə malik olduğunu söyləyirlər. Tərkibində olan omeqa-3 yağları ürək xəstəliklərinin qarşısını almaqda yardımçı olur.
• Noxudun tərkibində olan aminturşular, triptofan və serotonin yuxusuzluğun aradan qalxmasına kömək edir. Bunun üçün düzənli olaraq hər gün 1 stəkan bişmiş noxud yemək məsləhət görülür.
• Hər gün noxud yemək stressi aradan qaldırır və yaddaşı möhkəmləndirir.
• İmmun sistemin möhkəmlənməsində noxudun tərkibində olan dəmir və vitamin C-in rolu böyükdür.
• Hər gün noxud yemək klimaks əlamətlərini aradan qaldırır. Orqanizmə enerji verdiyin görə mütəxəssislər zəifləmiş adamlar və hamilə qadınlar
üçün hər gün noxud yeməyi məsləhət bilirlər.
• Suyu zəhərlə dolu!
Bəzi insanlar vitamin səviyyəsi aşağı düşməsin deyə, noxudu islatdığı suyu atmır. Elə həmin suda da bişirir və ya suyunu içir. Lakin bu üsul heç də sağlam metod deyil və zərərlidir.
Ən Çox Oxunanlar
Yeni Xəbərlər
