"Normal həyata dönmüşük, amma yenə də qorunmaq lazımdır" - ÜST rəsmisi
- 2021.12.10 14:37
- 1403 Baxış
“Azərbaycan koronavirus infeksiyasına qarşı tədbirlərini çox sürətlə aparan ölkələrdən biridir. 2020-ci il fevralın 19-da Azərbaycanda ilk COVID-19 faktı aşkarlandı və bir il, yəni vaksin icad ediləndən dərhal sonra bütün ölkə üzrə vaksinasiya prosesinə başlanıldı”.
Medicina.az xəbər verir ki, bunu Ümumdünya Səhiyyə Təşkilatının (ÜST) Azərbaycandakı nümayəndəsi Hande Harmancı deyib.
Onun sözlərinə görə, hər hansı dövlətin bu istiqamətdə dərhal hərəkətə keçməsi təqdirəlayiq haldır:
“Çünki yeni xəstəxanaların yaradılması, laboratoriyaların sayının çoxaldılması və digər addımlar normal vaxtda belə sürətlə həyata keçirilən proses deyildi. Əgər, bu, pandemiya dövrünə təsadüf edirdisə, əldə edilən nəticəni müsbət qiymətləndiririk”.
“Azərbaycan əhalisi həm vaksini tez qəbul etdi, həm də qoruyucu tədbirlərə əməl etdi. Bugünkü yoluxma sayının son bir aya yaxındır eyni rəqəmlərdə qalması vacibdir. Təbii ki, bunun davamlı olması mütləqdir. Əslində, demək olar ki, normal həyata dönmüşük, sadəcə sosial məsafəni qorumalı, qapalı məkanlarda maska taxmalı, əl gigiyenasına diqqət etməliyik”, - ÜST rəsmisi əlavə edib.
Ən Çox Oxunanlar
Yeni Xəbərlər
