Nəfəsiniz təngiyir, çox öskürürsüz – Bəlkə AXOX-suz?
- 2018.05.21 18:04
- 23302 Baxış
Ağciyərlərin Xroniki Obstruktiv Xəstəliyi – qısaca AXOX Azərbaycanda geniş yayılmış bir xəstəlikdir.
Əslində dünyada bir xeyli insan bu xəstəlikdən ölür. Amma nə qədər xroniki olsa da qarşısı alına bilən və müalicəyə tabe olan xəstəlikdir.
Medicina.az AXOX-un simtpomlarını təqdim edir.
-Tez-tez, davamlı, quru və ya bəlğəmli öskürək
-Təngnəfəslik, sinədə xışıltı, sanki hava çatışmamazlığı
-İdman, gəzinti və fiziki iş zamanı çətinlik
-İstənilən qrip virusunun sonda ağciyərlərdə kəskinləşməsi
Əgər bu əlamətlərdən ən azı 3-ü sizdə varsa, o zaman pulmonoloq terapevt qəbuluna bacardıqca tez düşməyiniz lazımdır.
AXOX 2 cür olur:
I – ağciyərlərdə irinli-iltihabi proseslər olur. Xəstədə öskürək, bəlğəm, irinli ifrazat, ödem və göyərmə olur.
II – təngnəfəslik baş verir, nəfəs alıb-vermə çətinləşir, arada boğulma kimi tutmalar olur.
Xəstədə sinə, döş qəfəsi çökəyə düşür.
Yaranma səbəbləri:
-Tütün, siqaret
-Tütün tüstüsünü hər gün ciyərlərə çəkmək- evdə, iş yerində
-Uşaqlıqdan tənəffüs yolları xəstəliklərinə yoluxma və vaxtında tam müalicə olunmamaq
-Qapalı mühitdə çirkli hava ilə nəfəs alma və ya təmiz havada az olmaq
-Çirkli atmosfer
-Tozlu məkanda çox olmaq
-Zərərli iş yeri
Əgər sizdə AXOX diaqnozu qoyulsa, onun kəskinləşməsinin qarşısını almaq üçün nələr etməlisiz:
-Tütün, siqaretdən uzaq durmaq
-İmmuniteti möhkəmləndirmək
-İnqalyatorlardan istifadə etmək
-Qrip və yoluxucu xəstəliklərə qarşı peyvənd etdirmək
-Həkimin dərman müalicəsini tam etmək
-Sanator-kurort müalicəsi almaq
-Qida rejimini dəyişmək
-Təmiz havada olmaq
-Tənəffüs gimnastikası etmək
Ən Çox Oxunanlar
Yeni Xəbərlər
