Miqren tutmalarını aradan qaldıran yağdanistifadə üsulları
- 2024.06.03 13:59
- 3172 Baxış
Migren ağrısı dözülməz ola bilər. Bu ağrı əsasən baş, alın və göz ətrafında olur.
Miqren tutmalarını aradan qaldıran və ağrını kəsən ən təsirli, təbii vasitələrdən biri də lavanda yağıdır.
Medicina.az lavanda yağının faydalarını təqdim edir:
- Lavanda yağı sinir sistemini sakitləşdirir, stress səviyyəsini azaldır və emosional tarazlığı təmin edir.
- Lavanda yağının rahatlaşdırıcı qoxusu yuxuya getməyi asanlaşdırır və daha dərin yuxu təmin edir. Yatmazdan əvvəl istifadə edildikdə yuxu keyfiyyətini yaxşılaşdırır.
- Masaj yağı kimi istifadə edildikdə əzələləri rahatlaşdırır və bədəndəki gərginliyi azaldır. Əzələ ağrılarını aradan qaldırır, rahatlama təmin edir.
- Lavanda yağı baş ağrılarını aradan qaldırmaq üçün təsirli bir həlldir.
- Təbii antiseptik xüsusiyyətlərə malik bu yağ kiçik kəsiklər və həşərat dişləmələri üçün istifadə edilə bilər. İnfeksiya riskini azaldır və sağalmanı sürətləndirir.
- Yastığa çəkildikdə rahat yatmağınıza imkan verir.
Lavanda yağından necə istifadə etmək olar?
* Su ilə doldurulmuş diffuzora bir neçə damcı lavanda yağı əlavə edin. Yataq otağınızdakı diffuzoru işlətməklə lavanda qoxusunun bütün otağa yayılmasına icazə verin. Bu üsul yuxuya getməyi asanlaşdırır və dərin yuxu təmin edir.
* Sprey şüşəsinə su və bir neçə damcı lavanda yağı əlavə edin. Yatmazdan əvvəl bu qarışığı yastığınıza səpin. Yastığınızda lavanda qoxusunu hiss edərək rahatlayacaq, asanlıqla dərin yuxuya gedəcəksiniz.
* Vannanı su ilə doldurun və 10 damcı lavanda yağı əlavə edin. Vannada təxminən 20 dəqiqə qalın. Bu üsul əzələləri rahatlaşdırır və zehni açır.
* Bir neçə damcı lavanda yağını daşıyıcı yağla (məsələn, badam yağı) qarışdırın. Bu qarışığı masaj edərək boyun və çiyin nahiyəsinə çəkin. Bu prosedur əzələlərin rahatlamasını təmin edir və stressi azaldır.
* Alnınıza bir neçə damcı yağla masaj edərək baş ağrılarını azalda bilərsiniz.
Aysel
Ən Çox Oxunanlar
Yeni Xəbərlər
