Meyvələrdən keçən xərçəng! – Bunu etsəniz...
- 2024.07.22 19:59
- 1050 Baxış
Tarlalarda meyvə və tərəvəzləri qorumaq üçün pestisidlər adlanan dərmanlardan istifadə olunur. Bu dərmanların istifadəsinə heç bir qanuni qadağa olmasa da, onların həddindən artıq istifadəsi sağlamlığa ciddi ziyan vurur.
Medicina.az xəbər verir ki, meyvə və tərəvəzlərdə istifadə edilən pestisidlərin yaratdığı böyük təhlükə çox vaxt gözardı edilir. Mütəxəssislər isə bildirirlər ki, onları yaxşıca yumadan istehlak etmək olmaz. Çünki xərçəng pestisidlərin yaratdığı əsas təhlükələrdən biridir.
“Parkinson, müxtəlif xərçəng xəstəlikləri (xüsusilə süd vəzi, prostat və kolon xərçəngi), qidalanma ilə birbaşa əlaqəli olan xərçəng növləri yarana bilər. Toksik təsirlərinə görə, bu maddələr unutqanlığa, erkən yaşlanmaya, qida zəhərlənməsinə və ana bətnində körpəyə keçən genetik xəstəliklərə gətirib çıxara bilir”, - deyə ekspertlər xəbərdarlıq edirlər.
Bəs meyvə və tərəvəzləri xərçəngə səbəb olan maddələrdən necə təmizləmək olar?
Ən yaxşı təmizləyici vasitə sodadır. Sirkə əvəzinə sodadan istifadə etmək məsləhət görülür. Qidaları sodalı suda saxlamaq pestisidləri məhv edir. Mütəxəssislər meyvə-tərəvəzləri sodalı suda 15-30 dəqiqə saxlamağı tövsiyə edirlər.
Aysel
Ən Çox Oxunanlar
Yeni Xəbərlər
