Meymunçiçəyi virusunun ən təhlükəli variantı yayılır

2024.07.05 09:10
1209 Baxış

Ümumdünya Səhiyyə Təşkilatı meymun çiçəyi virusunun (Mpox) yeni variantının Konqo Demokratik Respublikasının şərq sərhədi boyunca sürətlə yayıldığını və "hələ ki, ən təhlükəli variant" olduğunu açıqlayıb.

Medicina.az xəbər verir ki, mövcud epidemiya cinsi yolla ötürülmə ilə başladı, lakin bu ştammın dəridən dəriyə yaxın təmasda da ötürülə biləcəyinə dair sübutlar var. Cənubi Afrikada epidemiya indiyədək 3 nəfərin həyatına son qoyub.

Mpox-un göstəriciləri yorğunluq, ağrılar, qızdırma, baş ağrısı, tənəffüs simptomları və səpgidir.

Mpox-da səpgi qaşınma və ağrılı ola bilər və tez bir zamanda maye ilə dolu səpkilərə çevrilir və sonra qabıqlanır.

Buradakı maye yoluxucudur və məsələn, dəsmal və ya diş fırçalarını paylaşmaqla yayıla bilər.

Mpox epidemiyası indiyədək 116 ölkədə aşkar edilib.

2022-ci ilin iyul ayında ÜST mpox-u beynəlxalq narahatlıq doğuran ictimai sağlamlıq fövqəladə vəziyyəti elan edib.

Epidemiya başlayandan indiyədək ümumilikdə 97 min 745 nəfər virusa yoluxub, 203 nəfər ölüb.