Meymunçiçəyi sürətlə yayılsa, quru sərhədlər açılmaya bilər - Professor
- 2022.05.26 14:19
- 2834 Baxış
"Quru sərhədlərin açılması bir müddət sonra reallaşa bilər. Bu epidemioloji vəziyyətdən asılıdır".
Bu sözləri professor, tibb elmləri doktoru, Adil Qeybulla Bakupost.az -a açıqlamasında deyib.
O, son günlər dünyada sürətlə yayılan meymunçiçəyi virusu barədə danışıb:
“Meymunçiçəyi virusu kontakt yolu ilə yayılan infeksiyadır. Hal-hazırda yayılma davam edir. Bu gün dünyada 42 yaşdan yuxarı insanlar “çiçək" xəstəliyinə qarşı immunizasiya olunur.
1980-ci illərdən sonra həmin virus sıradan çıxdı və Ümumdünya Səhiyyə Təşkilatı tərəfindən vaksinasiya dayandırıldı. Həmin dövrdə anadan olan uşağın artıq 42 yaşı var. Bu yaşdan aşağı olan şəxslər vaksinasiya olunmayıblar.
Ona görə də bu virusa qarşı həssasdırlar. Vaksinasiya olunanlar üçün təhlükə yoxdur. Amma olunmayanlar virusu ciddi keçirə bilərlər. Onunla bağlı bu gün dünyada ciddi şəkildə iş gedir.
“Pfizer” və vaksinasiya ilə məşğul olan biotexnologiyanın ən müasir üsullarına yiyələnmiş digər şirkətlər bununla bağlı işlər görürlər. Karantin tədbirlərinin hansı qaydada qurulması ilə bağlı ÜST müvafiq tövsiyələr hazırlayır.
Quru sərhədlərin açılması isə bir müddət sonra reallaşa bilər. Bu epidemioloji vəziyyətdən asılı olacaq. Amma sürətlə yayılma bu məsələyə mane ola bilər. Ona görə də birmənalı şəkildə rəy demək çətindir. Bütün qərarlar situasiyaya uyğun verilməlidir. Bu qərar Azərbaycanın ümumi fondunun və əhalisinin qoruması istiqamətində olmalıdır".
Xatırladaq ki, Səhiyyə Nazirliyinin məlumatına görə, Azərbaycanda meymunçiçəyinə yoluxma aşkarlanmayıb.
Ən Çox Oxunanlar
Yeni Xəbərlər
