Meymunçiçəyi adlı xəstəlik yoxdur, bunu süni yaradıblar - Rəşid Mahmudov
- 2022.05.26 14:23
- 2798 Baxış
Koronavirus bəlasından sonra, indi də adını son günlər tez-tez eşitdiyimiz meymunçiçəyi virusu insanları təşvişə salıb. Deyilənlərə görə, bu virus xüsusi laboratoriyalarda hazırlanıb və qəsdən yayılır.
Medicina.az xəbər verir ki, tibb elmləri namizədi, fizioloq Rəşid Mahmudov Bakıvaxtı.az-a bildirib ki, meymunçiçəyi virusu bizim suçiçəyi xəstəliyinə uyğun gəlir:
“Meymunçiçəyi adlı xəstəlik yoxdur. Onu meymunlarda yaradıblar. Yəni, bu virus süni yaradılıb, lakin harda hazırlandığını bilmirəm.
Meymunçiçəyi insanda suçiçəyi olaraq adlandırılır. Əgər meymunçiçəyi laboratoriyada hazırlanıbsa, fərqi yoxdur, suçiçəyi olan adam da bu virusa yoluxacaq”.
R. Mahmudov qeyd edib ki, belə infeksion xəstəliklər daha çox meymunların yaşadığı ərazilərdə olur:
“Vaxtilə çiçək xəstəliyi olub, vaksin tapılandan sonra, heç kim bu vurusa yoluxmadı. 1982-ci ildə çiçək xəstəliyi dünyada tamamilə yox oldu. Çiçək xəstəliyi indi yalnız Kongo şəhərində yaşayan meymunlarda qalıb. Ümumdünya Səhiyyə Təşkilatı isə onları nəzarətdə saxlayır".
Onun sözlərinə görə, meymunçiçəyi isə əslində suçiçəyi virusudur və qorxulu deyil: "Lakin yayılanda insanı zəiflədir, bəzi orqanları zədələyir".
R.Mahmudovun dediyinə görə, koronavirusun bəlası o idi ki, panikaya düşənləri öldürdü. Həmsöhbətimiz hesab edir ki, hər bir halda qorxmaq, panikaya düşmək zərərlidir: "Çünki suçiçəyi qorxulu xəstəlik deyil. Mənə elə gəlir ki, meymunçiçəyi də qorxulu deyil”.
Ən Çox Oxunanlar
Yeni Xəbərlər
