Məşhur göbələk dərmanı hamilələrdə düşüyə səbəb olur – Təhlükəlidir
- 2019.10.05 17:20
- 12987 Baxış
Populyar göbələk və vaginal göbələk yoluxmaları zamanı təgbiq olunan Flukonazol dərmanı hamilələrdə uşaqsalmaya, düşüklərə səbəb ola bilər
Medicina.az xəbər verir ki, bu barədə elmi nəticə Kanada tibb dərgisində çap olunub.
Hamilələrin 10%-i vulvovaginal kandidozdan əziyyət çəkir. Hamiləlikdə bu göbələyə yoluxma riski də çox yüksəkdir.
Müalicə məqsədilə şamlardan əlavə Flükanazol adlı dərman da aşağı dozalarda təyin edilir.
Alimlər 441 min nəfər hamilənin 1998-2015-ci illərdə tibbi məlumatlarını analiz edib. Onlarda nə dərəcədə göbələk xəstəlikləri və reseptə hansı dərmanların yazılması araşdırılıb.
Alimlər aşağı və yüksək dozada Flukanazolun hamiləlikdə qeyri ixtiyari və qəfil düşüklərə, ciddi bətndaxili qüsurlara və ölü uşaq doğulmaya nə dərəcədə səbəb olmasını təhlil edib.
Məlum olub ki, dərmanın ağızdan qəbulu arzuolunmaz nəticələrə səbəb olur.
Hamiləlikdə istənilən dozada Flukanazol qəbulu düşük riskini dəfələrlə artırır.
Birinci trimestrdə 150 mq dozada bu dərmanın qəbulu döldə ürək qüsurlarına səbəb olur.
Bu tədqiqat bir daha göstərir ki, flükanazolla ehtiyatlı olub, yalnız dəqiq diaqnoz və ağır hallarda, zərərsiz dozada təyin edilməli və ya daha yuxarı aylarda verilməlidir. Lakin yaxşı olar ki, daha təhlükəsiz göbələk əleyhinə dərman seçilsin.
Ən Çox Oxunanlar
Yeni Xəbərlər
