Məşhur alimdən PROQNOZ: Sona çatacaq, amma...
- 2021.04.02 15:22
- 1930 Baxış
Koronavirus pandemiyasının 2021-ci ildə sona çatması ehtimalı azdır, ancaq infeksiya mövsümi olduğu üçün yayda yoluxmanın azalması gözlənilir.
Medicina.az Publika.az-a istinadən xəbər verir ki, bu barədə Mərkəzi Tədqiqat Epidemiologiya İnstitutunun elmi işlər üzrə direktorunun məsləhətçisi, Rusiya Elmlər Akademiyasının akademiki Viktor Maleyev söyləyib.
“Pandemiya əlbəttə ki, gec-tez sona çatacaq, amma düşünürəm ki, bu il olmayacaq. Hər halda pandemiyanın bitəcəyi tarix ÜST tərəfindən elan ediləcək. Koronavirus mövsümi xarakter daşıyır, bunun üçün bir çox dəlil var, keçən yay digər ölkələrdə az sayda yoluxmanın olduğu bunu bir daha sübut edir” , - ekspert “RİA Novosti”yə verdiyi müsahibəsində bildirib.
Maleyevin sözlərinə görə, dünyada koronavirus xəstəliyi artmaqdadır, Avropada da epidemiya hələ azalmır. Epidemioloq Afrikadakı və bəzi Asiya ölkələrindəki vəziyyətin qaranlıq qaldığını qeyd edib, çünki orada çox az test aparılır.
Maleyev hesab edir ki, dünya əhalisinin 70% -də immunitet yarandıqdan sonra pandemiya sona çatacaq. Bununla birlikdə, koronavirusdakı mutasiyaları izləmək və mövcud peyvəndlərin onları qoruyub saxlamadığını öyrənmək vacibdir.
Ən Çox Oxunanlar
Yeni Xəbərlər
