Koronavirusu ağır keçirənlər ətrafdakılar üçün beş həftə təhlükəli ola bilər
- 2020.04.12 14:15
- 913 Baxış
Yeni növ koronavirusu ağır keçirənlər sətəlcəmin klinik əlamətləri itdikdən sonra beş həftəyə qədər ətrafdakıları yoluxdura bilərlər.
Medicina.az xəbər verir ki, bu barədə Sankt-Peterburqdakı Paster adına Epidemiologiya və Mikrobiologiya ETİ-nun innovasiya işi üzrə direktor müavini Aleksandr Semyonov Nailə Əsgərzadənin “Təhlükəli virus-2” filmində bildirib.
“Xəstə nə qədər çox ağır vəziyyətdə olursa, bir o qədər uzun müddət ətraf mühitə virus buraxır, yəni kritik vəziyyətdə olan xəstələr hətta pnevmoniyanın klinik əlamətləri ortadan qalxdıqdan sonra, ətrafdakıları beş həftəyə qədər koronavirusa yoluxdura bilər, - deyə o qeyd edib.
Çiində koronavirus epidemiyası zamanı bu ölkədən olan həmkarlarının tədqiqatları göstərdi ki, insanların 20-25%-i eyni zamanda iki virusa - mövsümi qrip və COVİD-19-a yoluxmuşdu.
“Əgər insanın immuniteti qrip ilə mübarizə aparmağa hazırdırsa, bu virusa qarşı effektiv peyvənd mövcud olduğu üçün, təbii ki, o, koronavirus infeksiyasını da yüngül keçirəcək. Çünki bu halda iki deyil, bir düşmənlə mübarizə aparmaq lazım olacaq”, - deyə o bildirib.
Ən Çox Oxunanlar
Yeni Xəbərlər
