Koronavirusdan əvvəlki həyata dönüş 2021-ci ilə kimi çəkəcək- Avstriyalı alim səbəbi açıqladı
- 2020.04.19 16:08
- 2111 Baxış
Avstriyanın aparıcı infeksionisti, Vyana Yozef Xəstəxanasının İnfeksiyalar şöbəsinin rəhbəri Xristof Veniş müsahibəsində qeyd edib ki, hazırda dünyanın müxtəlif ölkələrində koronavirus infeksiyasına qarşı ayrı-ayrı dərman preparatlarından istifadə edilir və onların bəziləri böyük ümidlər doğurur.
Medicina.az xəbər verir ki, alim ümidverici çıxış etməyib. O, yeddi milyard insanın yolunu gözlədiyi peyvənd ciddi elmi araşdırmaların nəticəsi olmalıdır. Həmin peyvəndin dünya bazarına çıxarılması üçün uzun zaman tələb olunur və bu, 2022-2023-cü ildən tez baş verməyə bilər.
Mütəxəssis bildirib ki, həmin vaxta kimi normal gündəlik həyata tam şəkildə geri dönüş mümkün olmaya bilər və hər bir ölkə virusun yenidən geniş yayılmasını önləmək üçün tədbirlər görməyə hazır olmalıdır.
Avstriyada COVİD-19 xəstəliyindən sağalanların sayının çox olmasını müsbət hal kimi dəyərləndirən X.Veniş bu uğurun aldadıcı və arxayınlaşdırıcı tərəfləri barədə xəbərdarlıq edib. O, Avstriyanı və digər ölkələri ehtiyatı əldən verməməyə çağırıb: “Çünki COVİD-19 yalnız peyvənd tapıldıqdan sonra aradan qalxacaq."(Azərtac)
Ən Çox Oxunanlar
Yeni Xəbərlər
