Kondisionerdən soyuqlamamaq üçün nə etməli?
- 2023.06.15 11:05
- 3388 Baxış
İldən-ilə minlərlə insan kondisionerdən düzgün istifadə edilməməsi səbəbindən soyuqdəymədən əziyyət çəkir.
Sağlamlıq problemlərinin qarşısını almaq üçün sadə qaydalara riayət etmək lazımdır.
“Medicina” kondinsionerdən düzgün istifadə qaydalarını təqdim edir:
Ani temperatur dəyişikliklərindən çəkinin.
Mümkün qədər tez sərinləmək üçün kondisioneri aşağı səviyyədə yandırmaq olmaz. İsti mövsümdə optimal hava temperaturu 22-25 dərəcədir. Çöldəki və otaqdakı havanın temperaturu arasındakı fərq 5 ilə 8 dərəcə arasında olmalıdır. Yəni çöldə 35 dərəcə istidirsə, otaqda 26 dərəcə kifayətdir.
Gecə üçün xüsusi rejim. Yuxu zamanı bədən istiliyi aşağı düşür, yuxuya gedəndə yarana biləcək narahatlığı hiss etmirik. Məhz bu gecə bədən soyuq hava axınlarına qarşı müdafiəsizdir. Yayda kondisioner gecə rejiminə keçməli və ya temperaturu ən azı 25 dərəcə təyin etməlidir.
Havalandırma haqqında unutmaq olmaz. İnsanların həmişə təmiz havaya ehtiyacı var . Havalandırılmayan kondisioner yandırılan otaqda normadan 20 dəfə çox karbon qazı toplanır. Bunun nəticəsində baş ağrısı, başda ağırlıq hissi və yorğunluq ola bilər. Karbon dioksiddən əlavə, toz, kimyəvi maddələr (onların mənbələri tikinti materialları, mebellər), kif və gənələrin yığılması zərər verə bilər.
Hətta avtomabilinizə oturduqda pəncərələri tam açıb, 5 dəqiqə sonra kondisioner yandırmaq lazımdır.
Yelçəkən yerdən uzaq olmaq. Sərin, xoş bir meh bədənə xoş təsir edir. Amma yelçəkən tərəfdə oturmaq və ya uzanmaqla soyuq havanın axını hipotermiyaya və iltihablı proseslərin inkişafına səbəb olur. Xüsusilə, əzələ spazmlarını, qabırğaarası nevralgiyaları, həmçinin üz asimmetriyası ilə təhdid edən üz sinirinin iltihabını təhrik edir.
Kondisioneri vaxtaşırı təmizləmək lazımdır. Kondisionerin texniki xidməti vaxtaşırı təmizlənmədən və filtrlərin dəyişdirilməsindən ibarətdir. Ən azı bir dəfə, əsasən də kondisionerdən gələn xoşagəlməz qoxu zamanı mütləq profisional təmizlənməyə ehtiyac var.
Soyuq içkilər və kondisioner. Kondisioner yanan otaqda soyuq içkilər içmək patogen mikrofloranın çoxalmasına səbəb ola bilər. Nəticədə burun axması və öskürəklə müşayət olunur.
Uşaqlar üçün rahat temperatur.
Evdə azyaşlı uşaq varsa, onun bədənini kondinsionerə tədricən alışdırmaq lazımdır. Əvvəlcə 1 həftə 26 dərəcə, sonra 22, daha sonra bir qədər azaltmaq olar.
Aynurə Məmmədova
Ən Çox Oxunanlar
Yeni Xəbərlər
