Kliniki Tibbi Mərkəzə nəhayət ki, yeni KT və MRT quraşdırıldı
- 2025.01.11 16:54
- 271 Baxış
"Medicina" xəbər verir ki, müasir tibbi texnologiyalarla təchiz olunan Mərkəzin Radiologiya şöbəsinin iş keyfiyyətinin artırılması məqsədi ilə növbəti zəruri yeniliklər edilib, tibb müəssisəsində ikinci MRT və KT cihazları istifadəyə verilib.
Mərkəzin Radiologiya şöbəsində maqnit-rezonans tomoqrafiya (MRT) və kompüter tomoqrafiyası (KT) aparatları yenilənib, daha geniş gözləmə zalı və onlayn növbəlilik sistemi yaradılıb. Beləliklə, son yenilliklərdən sonra Mərkəzdə daha geniş spektrli və kontrastlı müayinələrin aparılması mümkün olub.
Məlumat üçün bildirək ki, yeni KT cihazında bir neçə detektor mövcuddur. Bu, xəstələrin daha qısa müddət ərzində, daha az radiasiya ilə müayinəsini və yüksək rezolyusiyalı görüntülər əldə edilməsini təmin edir. MRT cihazında tətbiq olunan qabaqcıl texnologiyalar da xəstələrin qısa müddət ərzində rahat şəkildə müayinəsini və yüksək dəqiqliklə yüksək keyfiyyətli görüntülər əldə edilməsini təmin edir.
Yeni cihazların quraşdırılması Kliniki Tibbi Mərkəzdə həyata keçirilən radioloji müayinələrinin sayına və keyfiyyətin artırılmasına da təsir edəcək.
Xatırladaq ki, Mərkəzdə bu cihazlar işləmirdi, pasiyentlər kontrastlı MRT və KT müayinələri üçün digər dövlət və özəl tibb müəssisələrinə yönləndirilirdi.
MEDİCİNA.AZ
Ən Çox Oxunanlar
Yeni Xəbərlər
