Kişilər üçün 6 ən xeyirli ədviyyat - Bir çimdik şəfa

2019.01.30 15:53
21170 Baxış

Azərbaycan mətbəxində ədviyyatlardan çox istifadə edilir. Həkimlər bildirirlər ki, ədviyyatların köməyi ilə hətta xəstəliklərdən sağalmaq da mümkündür. Ədviyyatlar ürək-damar və onkoloji xəstəliklərlə mübarizədə dərman kimi təsir göstərir.

Medicina.az xəbər verir ki, ədviyyatların tərkibində külli miqdarda antioksidantlar mövcuddur. Bu maddələr xərçəngdən tutmuş qocalmaya qədər baş verən bütün proseslərin səbəb olan azad radikalların işini zəiflədir. Bir çimdik ədviyyatda 1 stəkan giləmeyvədə olduğundan daha çox antioksidant mövcuddur.

Ədviyyatlar hər bir orqanzim üçün çox faydalı hesab edilir. Lakin bəzi ədviyyatlar var ki, onlar kişi orqanizmi üçün daha uyğundur.

1)Sarıkökün və darçının tərkibində olan maddələr qanda olan xolesterinin və şəkərin səviyyəsini tez və effektli bir şəkildə azaldır.

2)Zəncəfil, mixək, darçın güclü stimullaşdırıcı və tonuslaşdırıcı təsirə malikdir. Onlar daxili gücü hərəkətə keçirərək orqanların qanla təhcizatını yaxşılaşdırır. Nəticədə insan daha sürətlə sağalır.

3)Ədviyyatlar həzmi və maddələr mübadiləsini sürətləndirir.

Alimlər bildirirlər ki, hətta yemək arası qəbul edilən acı qidalar insanın tez doymasını təmin edir. Bunun səbəbi acı ədviyyatların tərkibində olan kapsiasin maddəsinin təsiridir. Bu maddə insanda doyma hissi yaradır, nəticədə insan az qidalanır. Bundan əlavə, kapsiasin maddəsi enerji sərfiyyatını 23% azaldaraq piy hüceyrələrinin çoxalmasını tormozlayır.

4)Ədviyyatlar arasında afrodizyaklar çoxdur. Buna görə də muskat qozunu qadın, reyhanı isə kişi ədviyyastı adlandırırlar. Bu ədviyyatların tərkibində olan efir yağları cinsi vəzlərin işini yaxşılaşdıraraq onların sekresiyasını artırır. Vanilin tərkibində olan uçucu efirlə isə sinir sisteminə sakitləşdirici təsir göstərir.

5)Ədviyyatların tərkibində olan antioksidantlar konseragenlərlə aktiv mübarizə aparırlar. Sarıkökün tərkibində olan maddə bədəndə gedən biokimyəvi prosesləri bloklayaraq baş və boyun xərçənginin əmələ gəlməsinin qarşısını alır.

6)Qıtıqotunun (xren) tərkibində olan maddələr isə xərçəng hüceyrələrini məhv etmək qabiliyyətindədirlər.

Bütün bu sadalananları nəzərə alaraq yeməklərinizdə süni dad artırıcılara deyil, təbii ədviyyatlara yer ayırın.

Arzu

Medicna.az