Keyfiyyətli yuxu üçün yatmazdan əvvəl bunları edin!
- 2024.07.08 22:38
- 845 Baxış
İnsanların çoxu yuxuya getmək üçün yatmazdan əvvəl ilıq duş qəbul etmək, ağır qidalar qəbul etməmək, ekranlardan uzaq durmaq kimi məsləhətlərlə tanışdır.
Bununla belə, bu sahədə mütəxəssis deyir ki, keyfiyyətli yuxu üçün axşam rejimində daha bir neçə dəyişiklik tələb oluna bilər.
Keyfiyyətli gecə yuxusunun əhəmiyyəti hər kəsə məlumdur. Bununla belə, iş, stress və digər gündəlik vərdişlər yuxu keyfiyyətinə asanlıqla təsir edə bilər.
Dr. Ankit Parekh heç bir tibbi müdaxiləyə ehtiyac olmadan yaxşı bir gecə yuxusu almaq üçün ən vacib olan amilləri sıralayıb.
Şokoladlı və ədviyyatlı qidalar yeməyin, kardio ilə məşğul olmayın!
“Axşam saat 20.00-dan sonra yeməyin piylənmə riskinin artması ilə əlaqəli olduğunu bilirsiniz. Gecə gec saatlarda yedikləriniz yuxunuza da təsir edə bilər. Xüsusilə, yatmazdan bir neçə saat əvvəl ədviyyatlı və ya yağlı yeməklər yemək mədə yanmasına və həzm pozğunluğuna səbəb ola bilər. Mədədəki narahatlıqlar sizi oyandıra və yuxu keyfiyyətinizi poza bilər”, - deyə həkim bildirib.
Onun sözlərinə görə, bundan əlavə, qəhvə istehlakınızı yalnız səhər saatları ilə məhdudlaşdırmalısınız:
“Bəzi tədqiqatlar göstərir ki, kofeinin stimullaşdırıcı təsiri istehlakdan sonra təxminən altı saat davam edir. Bu o deməkdir ki, siz yatmağa hazırlaşarkən koefin istirahət etməyi çətinləşdirir”.
Kondisionerinizi yandırın, otağınızı təmizləyin və dərindən nəfəs alın!
“Bir neçə sadə addımla yataq otağınızı mümkün qədər yuxu üçün ən yaxşı məkana çevirə bilərsiniz. Birincisi, kondisioneriniz varsa, onu ideal dərəcəyə, yəni 18-22°C temperatura qoyun. Yataq otağınızın rahat və nizamlı olması da vacibdir”, - deyə həkim qeyd edib.
O xatırladıb ki, nəfəs məşqləri də yuxudan əvvəl zehni sakitləşdirməyə kömək edir.
“Yatmağa getməmişdən iki saat əvvəl istirahət etməyə başlayın. Bədəninizə istirahət vaxtının gəldiyini söyləmək üçün hər gün eyni vaxtda yatmaq lazımdır. Araşdırmalar müntəzəm yuxu rejimi olan insanların ümumiyyətlə daha sağlam olduğunu göstərir”, - deyə həkim vurğulayıb.
Aysel
Ən Çox Oxunanlar
Yeni Xəbərlər
