Kasilyas infarkt keçirdi: futbolla vidalaşır - FOTO
- 2019.05.02 12:07
- 6549 Baxış
Portuqaliyanın "Portu” klubunun qapıçısı İker Kasilyas futbol karyerası ilə vidalaşmalı olacaq.
Portuqaliyada "Portu”nun şərəfini qoruyan təcrübəli qolkiper İker Kasilyas ürəktutması diaqnozu ilə xəstəxanaya yerləşdirilib.
Qolkiper məşq zamanı özünü pis hiss edib və təcili xəstəxanaya yerləşdirilib. Onun əməliyyat olunduğu bildirilib. Hazırda durumu sabit olan 37 yaşlı İ.Kasilyas sağlamlığı ilə bağlı mövsümü başa vurub."AS” portuqal idman nəşrinin yazdığına görə, həkim-kardioloq Xuan Antonio Korbalan belə bir nəticəyə gəlib. Həkimin dediyinə görə, futbolçunun koronar stentlə meydana çıxması mümkünsüzdür. "İker normal həyat sürsə də, artıq peşəkar səviyyədə idmanla məşğul ola bilməyəcək”, - deyə kardioloq diqqətə çatdırıb. Futbolçu bundan əvvəl "Twitter” səhifəsində vəziyyətinin sabitləşdiyini və özünü normal hiss etdiyini yazıb.
Qeyd edək ki, ispaniyalı qapıçı 3 dəfə Çempionlar Liqasının, 5 dəfə İspaniya çempionatının qalibi olub. O, millinin heyətində bir dəfə dünya, iki dəfə Avropa çempionu tituluna yiyələnib.
Ən Çox Oxunanlar
Yeni Xəbərlər
