Kardioloqa nə zaman getmək mütləqdir?

2023.03.03 16:13
2787 Baxış

Ürək həkimi, yəni kardioloqa xəstələnib-xəstələnməməyinizdən asılı olmayaraq, ildə 1 -2 dəfə getmək vacibdir. Bunun bir çox səbəbləri var.

“Medicina” xəbər verir ki, döş qəfəsi, sinədə hər hansı bir ağrı kardioloqla əlaqə saxlamaq üçün səbəb hesab olunur. Ürək-damar xəstəliklərində ağrı adətən sinənin mərkəzi hissəsində lokallaşdırılır və ya sol qola yayılır.

Ağrı həm istirahətdə, həm də məşqdən sonra baş verə bilər. Tənəffüs pozğunluqları - nəfəs darlığı və ağciyər xəstəlikləri (bronxit, astma) ilə əlaqəli olmayan astma hücumları ürək çatışmazlığının inkişafını göstərə bilər.

Ürək döyüntüsü - xəstə "ürək döyüntüsü", yəni döyünmə hücumlarını hiss edirsə, çox güman ki, ürək ritminin pozulması var. Eyni zamanda, insan fiziki olaraq ürəyin nizamsız və ya çox tez döyündüyünü hiss edir. Hətta normal bildiyimiz ürək döyüntüsünün daha tez və ya gec vurması da kordioloqa getməyin vacibliyini vurğulayır.

Aşağı və yüksək qan təzyiqi normaları- təzyiqiniz 140/90-dan yuxarı qalxdıqda və 90/60-dan aşağı düşdükdə həkimə müraciət etməlisiniz.

Obyektiv səbəb olmadan ayaqların şişməsi ürək çatışmazlığı və ürək qüsurlarını göstərə bilər.

Günay