Jenşen getdikcə özünü sağlamlığa daha faydalı bir bitkiyə çevirir – Alimlərdən yeni kəşf
- 2024.07.19 15:15
- 1122 Baxış
Çinin Nankin Kənd Təsərrüfatı Universitetinin alimləri Panax jenşeninin tam genomunu oxuyublar.
Onlar müəyyən ediblər ki, bir neçə milyon il ərzində bitki sağlamlığa faydalı maddələr olan saponinlərin sintezinə cavabdeh olan genlərin sayını əhəmiyyətli dərəcədə artırıb.
Medicina.az xəbər verir ki, tədqiqatın nəticələri “Horticulture Research” jurnalında dərc olunub.
Panax jenşeninin tam genomunu araşdırmaqla 77,266 zülal kodlayan gen müəyyən edilib.
Alimlər bitkinin dərman (iltihab əleyhinə, antioksidant, hipoqlikemik) xüsusiyyətlərinə cavabdeh olan ginsenozidlərin və saponinlərin biosintezinə xüsusi diqqət yetiriblər.
Təhlillər zaman keçdikcə jenşenin saponinlərin sintezinə cavabdeh olan genlərin sayını xeyli artırdığını göstərib.
Bu proseslərin güclənməsində müəyyən gen duplikasiyalarının mühüm rol oynadığı da aşkarlanıb.
Alimlər qeyd ediblər ki, jenşen genomunun hərtərəfli deşifrə edilməsi onun müalicəvi potensialının açılmasına yönəlmiş effektiv yetişdirmə üsullarının inkişafı üçün zəmin yaradır.
Aysel
Ən Çox Oxunanlar
Yeni Xəbərlər
