İsti havada ayaqlar niyə şişir?
- 2023.06.13 17:29
- 1754 Baxış
İsti havalarda ayaqlar daha çox şişir, ödem yaranır.
Belə havada bir çox insan bədənində mayenin durğunluğunu fərq edə bilər.
“Medicina” xəbər verir ki, həkim – diyetoloq Keyt Bukerin sözlərinə görə, ayaqlarda mayenin yığılmasının qarşısını almaq üçün gün ərzində uzun müddət oturmaqdan çəkinmək lazımdır.
“Hər gün fiziki cəhətdən aktiv olun. Hətta sadə bir gəzinti qan dövranını yaxşılaşdırır və toxumalarda mayenin yığılmasını azaldır. Bundan əlavə, D vitamini istehsalını artırır.
Ayaqları yuxarı qaldırmaq, divara söykəmək mayenin boşalmasına imkan verir”.
İşlənmiş qidalardan çəkinin.
Diyetoloq yüksək duzlu olduğuna görə qablaşdırılmış və emal olunmuş qidaları qəbul etməməyi tövsiyə edir. Yemək üçün minerallarla zəngin dəniz duzundan istifadə etmək daha yaxşıdır.
Daha çox su, daha az kofein. İsti havalarda susuzluğa səbəb olan spirt və kofein istehlakını azaltmaq lazımdır. Bədən kifayət qədər su almalıdır, əks halda onu tutub saxlayacaq. Bundan əlavə, bədəni tərlə tərk edən mineralların ehtiyatlarını doldurmalısınız.
Masaj. Şişmiş ayaqlardan qurtulmağın başqa bir yolu qan dövranını yaxşılaşdırmağa kömək edən bir masajdır.
Ayaqyalın gəzmək. Həkimin sözlərinə görə, dar ayaqqabı geyinmək isti havalarda ayaqların şişməsini artıra bilər. Zaman zaman dar ayaqqabılar olmadan ayaqyalın gəzmək faydalıdır.
Unutmaq olmaz ki, ayaqların şişməsi infeksiyalar, qan laxtalanması, qaraciyər problemləri və ya ürək çatışmazlığı nəticəsində yarana bilər.
Günay Quliyeva
Ən Çox Oxunanlar
Yeni Xəbərlər
