İşlənmiş qidalarla bağlı daha bir qorxunc gerçək üzə çıxdı
- 2024.04.26 11:00
- 935 Baxış
Bir araşdırma göstərir ki, minlərlə ultra işlənmiş qidanın tərkibində bol miqdarda olan əlavələr 2-ci tip diabet riskini artırır.
Medicina.az xəbər verir ki, fransız alimlər tədqiqat üçün 100 mindən çox yetkinin qidalanma rejimini və sağlamlıq vəziyyətini təhlil ediblər.
Fransa Milli Sağlamlıq və Tibbi Tədqiqatlar İnstitutu tərəfindən aparılan araşdırmada 104 000 fransızla qidalanma vərdişləri, şəxsi xəstəlik tarixçələri və fiziki fəaliyyət səviyyələri, o cümlədən müxtəlif qrup emulqatorların orta gündəlik qəbulu barədə sorğu aparılıb. Orta hesabla yeddi illik təqibdən sonra 1 056 könüllüyə 2-ci tip şəkərli diabet diaqnozu qoyulub.
Tədqiqat çoxlu emulqatora məruz qalan yetkinlərin 2-ci tip diabetə tutulma ehtimalının 15% -ə qədər artdığını göstərib.
Piylənmə və siqaret kimi digər risk faktorlarını nəzərə alan tədqiqatçılar, 7 qrup emulqatorun 2-ci tip diabetlə əlaqəli olduğunu açıqlayıblar.
Qablaşdırılmış və dilimlənmiş vetçina, kolbasa, sosis, konservləşdirilmiş şorba və tort qarışıqlarında istifadə olunan hər 500 mq tripotasium fosfat (E340) xəstəlik riski ilə əlaqələndirilir.
Təhlükəli E412 və E415 isə kəsmik və salat souslarında yüksək nisbətlərdə aşkarlanıb.
“Lancet Diabetes and Endocrinology”də dərc edilən araşdırmanın "müxtəlif qida əlavələrinin, o cümlədən emulqatorların məqbul gündəlik qəbulu ilə bağlı narahatlıqları" artırdığı vurğulanıb.
Aysel
Ən Çox Oxunanlar
Yeni Xəbərlər
