İnsanı arıqladan xəstəliklər – 5 təhlükəli səbəb
- 2018.05.23 16:46
- 82729 Baxış
Əslində, həkimlər insanın kökəlməsindən çox, arıqlamasından qorxurlar. Düzdür, köklük özü də xəstəlikdir. Amma qəfil arıqlamaq qədər qorxulu ola bilməz. Söhbət heç bir pəhriz, idman, tablet, fiziki aktivlik və qida rejimi olmadan qısa müddətdə qəfil kilo verməkdən gedir. Orqanizmdə baş verən bu dəyişiklik əsəb sistemindən tutmuş onkoloji xəstəliyə kimi işarə ola bilər.
Ona görə arıqlamağınıza görə sevinməkdən öncə niyə arıqladığınızın səbəbini araşdırın. Medicina.az qəfil arıqlamağın səhhətlə bağlı səbəblərini təqdim edir.
Psixi pozuntular, stress, depressiya
İlk növbədə sinir anoreksiyası başlaya bilir, insanın bədəni, obrazı dəyişir, insan qidadan könüllü imtina edir, getdikcə bədən forması özünün xoşuna gəlir və kökəlməkdən qorxaraq yemir.
Xroniki depressiya dərinləşdikcə, insanın hər şeyə, həmçinin yeməyə marağı itir, bu da güclü arıqlamağa səbəb olur. Iştahdan ümumiyyətlə kəsilmək, depressiyanın birinci əlamətidir. Çox vaxt əsəbi və nevroz adamlar əksinə yeməyə meyilli olur, amma bununla belə kökəlmirlər. Bu da əsəbə bağlı arıqlama kimi qəbul olunur.
Çox adamlarda çəkinin qəfil azalması şizofreniyanın ilkin əlamətidir. Pasiyentin dad və qoxu bilməsi dəyişir, özünə yemək hazırlamaq və yemək yeməyə belə tənbəllik edir.
Sinir, əsəb mənşəli ekstremal arıqlamada psixiatr köməyi və müalicə lazımdır.
Hipertireoz
Qalxanabənzər vəzin normadan artıq aktivliyi, relsdən çıxması, hormonal pozğunluq və maddələr mübadiləsinin sürətləndirilməsi baş verir. Orqanizm daha çox enerji sərf edir, qida ilə aldığı enerji tükənir, yetmir. Ona görə idman və pəhrizsiz sürətlə arıqlayır. Hipertireozda bəzi xəstələr əksinə kökəlir. Bu xəstəlikdə çəki itkisinin qarşısını almaq və əvvəlkiyə çəkiyə qayıtmaq üçün hormonal balansı normallaşdıran dərmanlar qəbul etməlidir.
Bağırsaqların iltihabi xəstəlikləri
Kron xəstəliyi və xoralı kolitdə müntəzəm olaraq diareya baş verdiyindən yeməyə qarşı ikrah və qorxu hissi yaranır. Üstəlik bağırsaqlar qidadan faydalı maddələri sovura bilmir. Bu da arıqlamağa səbəb olur.
Bağırsaq problemləri olan insanlara az-az, tez-tez yemək məsləhətdir. Balanslaşdırılmış qidalanmaya keçməli, çox maye qəbul etməli, vitamin, minerallar qəbul olunmalıdır.
Və ən təhlükəlisi – XƏRÇƏNG təhlükəsi
Təəssüf ki, səbəbsiz çəki itirmək və hədsiz arıqlamaq və ətrafdakıların sizi tanımaması 40% hallarda xərçəng ilə əlaqəli olur. Xüsusən də xərçəngin son mərhələsində pasiyent çox arıqlayır, hətta kaxeksiya baş verir, yəni insan nəinki piy, həmçinin əzələ kütləsini itirir. Xəstənin iştahı da itir, ürəkbulanma, qusma, qəbizlik, ağrılar, yeməyin dadını itirmək, çeynəmək və udmaq problemi də buna qoşulur.
Əgər diaqnoz təsdiqlənərsə, xəstənin çəki alması mütləqdir, çünki müalicə və kimyaterapiya xəstədən güc, əzələ tələb edir.
QİÇS
QİÇS-ə yoluxmuş insan zamanla arıqlayacaq, çünki qidalı maddələr lazımi qədər orqanizmə daxil olmur. Belə xəstələrdə qida çeynənməsi ağızda ağrı verir, damaq və ağız boşluğunda yaralar əmələ gəlir. Bu simptomlar insanın immunitetinin kəskin zəifləməsi ilə əlaqədardır. Bu xəstələr daha çox zülal qəbul etməlidirlər.
Şəkərli diabet
Əlbəttə ki, diabet, çeliakiya, vərəm kimi xəstəliklər də çəki itirməyə səbəb olur. Bu xəstəlikləri diaqnostika etmək elə də çətin deyil.
Odur ki, sürətlə arıqladığınızda sevinməklə yanaşı işinizi möhkəm tutub, həkimdə müayinə olmağınızda fayda vardır.
Ən Çox Oxunanlar
Yeni Xəbərlər
haciyeva
53kq 46 dusmusem səbəbi?
Nece arxlaya blerem??
Hormetli hekim men 90 kilodan 75 kiloya duwmuwem yemek de cox yeyirem ama kokelmirem kim bilir komek olsun 050 403 79 62
Men sekerlu diabetem. Insulinim catmir. Derman ice bilmirem. Ancaq insulin iybe vururam lantus. Ve cix ariqlamusam
Anam son zamanlar yediyin qusur ,birden bire cox ceki atib cox narahatam
Salam doxdur rengin qaralmasi ve ariglama sebebi ne ola birer rengde ayag hislelerin ag yuxar hiselrin qaralmasi
Cox elle bosalmaq ariqlamaqa sebebbola bilr??
Salam Hekim bagislayin narahat edirem vaxtinizi aliram ve hekim men 1 il 3 ayda azi 22 kilo itirmizem ve davamda edir ve hekim 79 kilo idim ama indi 53 kiloyam ve eger mumkun olsa komey edersiz mene buda nomrem 051 524 57 57
Ayaqlarim qollarim uzum qicanir keyir esebdendi bu?ariqlador bu insani yoxsa kokeldir?