İnsanda enerji azlığının səbəbləri – Tonusu necə yüksəldək?

2023.07.12 11:13
1454 Baxış

Enerji səviyyəsinin aşağı olmasının səbəbləri çox ola bilər: çoxlu kofein qəbul etdikdə, səhər yeməyini səhv yedikdə, çox az su içdikdə yorğun olmaq mümkündür.

Tonusun aşağı olması həyat fəaliyyətini yavaşladır, apatiyaya səbəb olur.

“Medicina” xəbər verir ki, Almaniyanın Hamburqdakı Diogen Klinik Terapevtik İnstitutundan Dr. Martin Ştraubenin sözlərinə görə, tonusun azalmasının gizli səbəblərini, daimi yuxululuq, yorğunluq, fiziki tükənmə hissi adlandırırlar.

Enerji azlığının səbəbləri bunlar ola bilər:

Həddindən artıq stress. Əgər özünüzü yorğun hiss edirsinizsə, boyun gərginliyiniz və ya əsassız ürək döyüntünüz varsa, vücudunuz stress altında ola bilər.

Hər gün səhər saat 10:30-da bir fincan qəhvə içmək və ya həftədə bir dəfə axşam müntəzəm olaraq saunaya getmək kimi rituallar sakitləşdirici və təhlükəsizlik hissi verir.

Həddən çox qəhvə içmək. Orta miqdarda kofein stimullaşdırır: beynin reseptorlarına təsir edir, həyəcanlanma proseslərini boğan adenozinin təsirinə maneə törədir. Ancaq çox qəhvə içən insanların beynində bu baş vermir, ona görə də gündə altı stəkandan artıq qəhvə içməməlisiniz, əks halda reseptorlar adenozinə reaksiya verməyə başlayacaq və sizdə yorğunluq hissi yaranacaq.

Pis vərdişlər. Bir neçə həftə ərzində spirt, zərərli qidalar və ya dərmanlar qəbul edilərsə, bu, qaraciyərin işinə mənfi təsir göstərə bilər. Daimi letarji və yorğunluğun gizli səbəbi ola bilər.

Yanlış səhər yeməyi. Çörək, xəmir, şirniyyat, makaron şəklində səhər yeməyində böyük dozada karbohidratlar qana sürətlə daxil olur və qlükoza və insulinin səviyyəsini artırır. Sonra qanda kəskin şəkildə azalır və tonunuzla birlikdə yuxululuq, yorğunluq hissi gətirir.

Su çatışmazlığı. Su az içdikdə qanın qatılaşmasına, ən vacib enerji mənbəyi olan oksigenin tədarükünün azalmasına gətirib çıxarır.

Dəmir və B12 vitamini çatışmazlığı. Dəmir oksigen daşıyıcısı, B12 isə hematopoetik vitamindir. Onların olmaması insanı daim yorğunlaşdıra bilər.

Aynurə Məmmədova