İnsan orqanizmində hansı saatda nə baş verir?
- 2024.06.22 09:11
- 1194 Baxış
"Bədənimizin bir iş mexanizmi var. Müəyyən olunmuş saatlarda bədənimizin müxtəlif funksiyaları olur. Hansı saatlarda bədən zəif olar, hansı saatlarda gümrah olar, nə zaman nəbz tənbəlləşər, idman üçün ən yaxşı saat nə zamandır? Bunları bilməkdə fayda vardır".
Medicina.az xəbər verir ki, bunu həkim-nevroloq Qalib Əsədov bildirib.
O, insan bədəninin iş mexanizminin aşağıdakı kimi olduğunu qeyd edib:
06.00: Kortizon ifraz etməsiylə orqanizm oyanır. Bu oyanma bədən üçün özünü yavaşca qalxmağa hazırlama işarəsidir. Maddələr mübadiləsi aktivləşir, günün işləri üçün enerji və zülal xidmətə hazır olur.
07.00: Bədən hələ zəifdir. İdman etməkdən yayının. Ürək və qandövranı gərəksiz yüklənir. İdman yerinə nahar edin, həzm bu saatda mükəmməl çalışır.
08.00: Libidonun ən yüksək olduğu saat. Çox miqdarda hormon ifraz olunur. Siqaret narkomanları üçün də vəziyyət eynidir. Nahar siqareti damarları hər zamankından daha çox daraldır.
09.00: Bədənin dinc, qüvvətli olduğu saat. Hər hansı bir xəstəlik üçün iynə vurdurmalısınızsa, bu, ən doğru zamandır. İynənin qızdırma və şişmə kimi yan təsirləri nadir olaraq görünür, bədən rentgen şüalarına qarşı daha müqavimətli olur.
10.00: Orqanizmin özünə gəlmə, ‘mən burdayam’ demə saatı .Çox enerjili, bədən ən yüksək istilik səviyyəsindədir. Məhsuldarlığımız da elə. ‘Qısa müddət yaddaşı’ yaxşı vəziyyətdədir. Bir əhəmiyyətli detal: 10.00 ilə 12.00 arası infarkt hadisələrinə sıx rast gəlinir.
11.00: Bədənin tam formada olduğu, məhsuldar olmağa proqramlı bir saat. Ürək və qan dövranı o qədər gümrahdır ki, edilən müayinələrdə ürəkdəki bir qüsur gözdən qaça bilər. Hazırcavablıq yüksək həddə çatar, xüsusilə, hesab işləri, riyaziyyat tapşırıqları rahat və yaxşı bir şəkildə, çətinlik çəkmədən həll edilər.
12.00: Istirahət saatı. Diqqət azalır və insanı yuxu basır. Mədədəki turşu miqdarı artır, beyindəki qan axını azalır. Çünki qan həzm orqanlarını dəstəkləməsi üçün mədə tərəfindən istifadə edilir. Günorta yuxusu yata bilən insanlarda, statistikalara görə, infarkt 30% nisbətində az rast gəlinir.
13.00: Bədən formadan düşür. Məhsuldarlıq günün ortasında 20% aşağı düşür. Bütün orqanlar ən aşağı səviyyədə işləyir, yalnız öd günorta yeməyini həzm etmə fəaliyyəti göstərir.
14.00: Bitkin oluruq. Çünki təzyiq və hormon səviyyəsi düşür. Diş həkimindən qorxanlar üçün ən uyğun görüş saatı. Çünki bu saatda ağrı az hiss edilir. Lokal anesteziya uzun müddət davam edir (30 dk.)
15.00: Enerji geri gəlir, yaddaş tam formasındadır. İkinci məhsuldarlıq dövrü başlayır, amma səhərkindən az.
16.00: İdman üçün ən yaxşı saat. Təzyiq və dövran çox yaxşı vəziyyətdə olur.
17.00: Orqanların fəaliyyəti yüksək səviyyəyə qalxır. Qüvvət artır, oksigen xərclənir, böyrəklər çox çalışır. Dırnaqlar və saçın ən tez uzandığı zamandır. Mədədəki turşu miqdarı artır.
18.00: Axşam yeməyi üçün ideal saat. Pankreas bu saatda xüsusilə aktiv olur.
19.00: Qan təzyiqi və nəbz zəifləyir. Bu səbəbdən qan təzyiqi salan dərmanlara diqqət etmək lazımdır, təhlükəli ola bilərlər. Antidepresantların təsiri də bu saatda daha çox olur.
20.00: Qaraciyərdəki yağ səviyyəsi düşür və çirkli qan ürəyə hər zamankından daha çox axır. Allergiyası olanlar və astmalılar dərmanlarını bu saatda qəbul etməlidir. Təsiri dərhal görünür. Antibiotiklər də az dozada qəbul edilsə, belə təsirləri ən yüksək səviyyədə olur.
21.00: Həzm orqanlarının gündəlik vəzifəsi sona çatır. Gələn hər şey mədədə səhərə qədər həzm edilmədən qalır və bu çox təhlükəlidir.
22.00: Siqaret çəkənlər, diqqət! Bu saatdan sonra bədən nikotin kimi zəhərləri çox çətin atır.
23.00: Orqanizm gün ərzində aktiv fəaliyyət göstərən stress hormonunu ifrazını dayandırır. Sakitləşib, rahatlanırıq.
24.00: Yatarkən dəri hüceyrələri dayanmadan çalışır, gündüz olduğundan daha çox bölünür. İlk yuxu mərhələsi, yarım saat içində yuxu görməyə başlayırıq.
01.00: Bu saatda çalışanlar səhv edə bilir, diqqət azalır, çünki bədən özünü yatmağa proqramlaşdırır.
02.00: Avtomobil istifadə edənlər, diqqət! Görmə zəifləyir, reaksiyalar yavaşıyır, qəzalar bu saatda çox olur.
03.00: Bədənin də, ruhun da ən qaranlıq mərhələsi.
04.00: Stress hormonundan enerji qazanırıq. İnfarkt böhranları saat 04.00 ilə 06.00 arasında çox olur; çünki qan təzyiqi olduqca yüksəlib, damarlar gərilir.
05.00: Stress hormonu bizi fəaliyyətə keçirir və gündüz dəyərinin tam 6 qatına çıxır. Bədənimiz hərəkətə keçir, itən enerji yenidən geri gəlir. Gəlsin, yeni bir gün başlayır.
Aysel
Ən Çox Oxunanlar
Yeni Xəbərlər
