İldə 640 mindən çox adam qripdən həyatını itirir
- 2017.12.25 12:54
- 14412 Baxış
ABŞ-ın xəstəliklərə nəzarət və onların profilaktikası mərkəzlərinin məlumatına görə, il ərzində dünyada 646.000 adam qripin qurbanı ola bilər.
Medicina.az xəzərxəbər-ə istinadən məlumat verir ki, ildə 291 mindən 646 minədək adam qripə yoluxduğu üçün dünyasını dəyişir. Əvvəlki hesablamalara görə isə mövsümü qrip ildə 250 mindən 500 minədək adamın ölümünə səbəb olur.
Mütəxəssislər aydınlaşdırıblar ki, mövsümi qripdən ölümün səviyyəsi dünyanın yoxsul bölgələrində və ahıllar arasında xüsusilə yüksəkdir. Belə ki, çox vaxt yaşı 75-də yuxarı olan insanlar və Afrikanın tropik bölgələrinin sakinləri qripin qurbanı olurlar. Şərqi Aralıq dənizi və Cənub-Şərqi Asiya ölkələrində ölümün səviyyəsi aşağı olsa da, yenə də yüksəkdir.
Tədqiqatçılar qripin profilaktikasının əhəmiyyətli olduğunu bildirirlər. Onlar hesab edirlər ki, qarşıdan gələn qrip mövsümü çətin olacaq. Mütəxəssislər qripə qarşı universal vaksinin hazırlanacağına ümid bəsləyirlər.
Ən Çox Oxunanlar
Yeni Xəbərlər
