İkinci Dünya Müharibəsinin 99 yaşlı veteranı koronavirusa qalib gəldi - FOTO
- 2020.04.15 14:34
- 2014 Baxış
Braziliyada İkinci Dünya müharibəsinin 99 yaşlı veteranı koronavirusdan sağalıb.
Bu barədə G1 telekanalı ölkənin Səhiyyə Nazirliyinə istinadla xəbər yayıb.
Ernando Armelindo Pivetu koronavirus diaqnozu ilə aprelin 6-da xəstəxanaya yerləşdirilib. Əvvəlcə kişi evdə müalicə alıb, lakin mütəmadi davam edən öskürəklərlə əlaqədar xəstəxanaya intensiv terapiya şöbəsinə yerləşdirilməsi ilə bağlı qərara gəlinib.
Səkkiz gündən sonra veteran xəstəxanadan evə buraxılıb. Hazırda o, testin cavabını gözləyir, ancaq həkimlər təqaüdçünün sağaldığına tam əmindirlər.
Son məlumatlara görə, Braziliyada koronavirusa yoluxanların sayı 25 684 nəfərə çatıb, 1 552 nəfər xəstəlikdən vəfat edib. 
Ən Çox Oxunanlar
Yeni Xəbərlər
