İftardan sonra ürək döyüntüləriniz artırsa... – Kardioloqdan məsləhət
- 2023.04.06 14:53
- 2022 Baxış
Ramazanda yanlış qidalanma ilə ürək sağlamlığını ciddi risk altına ala bilərik.
“Medicina” xəbər verir ki, həkim kardioloq – aritmoloq Günay Rəhimova yeməkdən sonra ürəkdə narahatlıqların səbəbini açıqlayıb.
Uzun müddət aclıqdan sonra mədənin ani şəkildə yeməklə dolması ürəyin yüklənməsinə səbəb olur, döyüntülərin artmasına və aritmiya, taxikardiyaya səbəb olur.
Təzyiq və ürək xəstələri (yaxın zamanda ürəyində əməliyyat keçirən, ürək müalicəsi olan, xəstəxanada yatan ) müalicə dərmanlarını vaxtında qəbul edə bilmədikləri üçün oruc tutmamalıdırlar.
Ancaq oruc tutmaqda israrlıdırlarsa, kardioloqa baş çəkməli, dərman saatlarını özbaşına dəyişmək olmaz.
Sahurda və iftarda bol su içməli, iftarda yemək çox az miqdarda yeyib bir qədər gəzməli, ondan sonra təkrar masaya oturmalı, az yeməkdən sonra dərmanlarını qəbul etməli, daha sonra yeməklər və bol proteinli qidalar qəbul etmək üçün masaya dönməlidir.
Günay Quluzadə
Ən Çox Oxunanlar
Yeni Xəbərlər
