İbn Sinanın möcüzəvi hesab etdiyi göyərti – Hansı faydaları var?
- 2024.07.05 10:10
- 594 Baxış
“Turşəng” də adlandırılan quzuqulağı bitkisi bişmiş və ya çiy halda yeyilir.
Medicina.az xəbər verir ki, salatlara əlavə edilən və ya çay kimi dəmlənilərək istifadə olunan bu göyərti vitamin mənbəyidir.
Çox zəngin tərkibə malik olan quzuqulağı A, B və xüsusilə C vitaminləri ehtiva edir. Bu göyərti dəmir və fosfor baxımından da olduqca zəngindir.
Məşhur tibb alimi İbn Sinanın da öz kitabında bu göyərtini tövsiyyə etdiyi bildirilir. O, quzuqulağının beyni aktivləşdirdiyini və mədə üçün çox faydalı olduğunu deyib.
- Quzuqulağı öskürəyi aradan qaldırmaq və boğazı sakitləşdirmək üçün də istifadə olunur. Xüsusilə soyuqdəymə və ya bronxit kimi yuxarı tənəffüs yolu infeksiyaları zamanı üstünlük verilə bilər.
- İltihab əleyhinə xüsusiyyətlərinə görə, bəzi hallarda ağız boşluğunun iltihabının və ya digər yüngül iltihabların müalicəsində əlavə olaraq istifadə edilə bilər. Həmçinin qan və orqanlardakı mikrobları təmizləyir.
- Daimi istifadə edildikdə, sidikqovucu xüsusiyyətləri sayəsində böyrəklərin yaxşı işləməsini təmin edir.
- Bağırsaqları yumşaldaraq həzm prosesinin ləngiməsi nəticəsində yaranan qəbizlik problemini aradan qaldırır.
- Quzu qulağının dəri üçün çoxlu faydaları var. Eqzema, sədəd, sızanaq kimi dəri problemlərindən əziyyət çəkənlər üçün əsl möcüzədir.
1 litr suya 50 qram quzuqulağı əlavə edin, 10-15 dəqiqə qaynadın və əldə etdiyiniz suyu gündə 3 stəkan olmaqla, fasilələrlə istehlak edin.
Quzu qulağı dərini yeniləyir və bərpa edir. Sızanaq əmələ gəlməsini tamamilə aradan qaldırır.
- Günəş vannası qəbul etdikdən sonra dərinizdə həddindən artıq yanıq və qızartı yaranıbsa, quzuqulağı sizə kömək edə bilər. Göyərtini qaynadıb püre halına salın. Sonra problemli nahiyəyə tətbiq edib ən azı 20 dəqiqə saxlayın.
Dərini sakitləşdirici təsirinə görə kiçik yanıqlar, dəri qıcıqlanmaları və ya kiçik yaraları müalicə etmək üçün də quzuqulağından istifadə edilir.
Qeyd edək ki, bütün təbii dərman vasitələri kimi turşəng də ehtiyatla istifadə edilməlidir. Uzunmüddətli və ya həddindən artıq istifadə bəzi insanlarda əks təsirlərə və ya allergik reaksiyalara səbəb ola bilər.
Aysel
Ən Çox Oxunanlar
Yeni Xəbərlər
