Hippokrat andı necə olur: tam mətni- 17 iyun tibb işçiləri günüdür
- 2019.06.15 21:04
- 13782 Baxış
Bu tarix daha çox keçmiş SSRİ, indiki MDB dövlətlərində tibb işçilərinin günü kimi qeyd olunur.
İlk dəfə 1980-ci ildə Moskvada Nazirlər Kabinetinin qərarı ilə qeyd olunmağa başlayıb.
Bu gün təkcə həkimlərin yox, feldşer, tibb bacıları, sanitar, əczaçılar və s. işçilərin də günüdür.
Medicina.az bu gün münasibətilə bütün həyatını, amalını xəstələrə xidmətə sərf edən və peşəsini vicdanla yerinə yetirən tibb işçilərini təbrik edir.
Tibb işçiləri günündə həkimlərin and içdiyi Hippokrat andının mətnini veririk.
Yəqin ki, çoxunuz deyirsiz, bəs o həkim Hippokrat andını içməyib?
Bu andın nədən ibarət olduğunu bilmək istəyirsizsə, orijinal mətnini oxuyun.
Hansı evə daxil olaramsa, ancaq xəstənin xeyrini düşünəcəyəm
"Apollona – loğman Asklep, Higeya və Panakeya və bütün tanrıların şahidliyində and içirəm ki, verdiyim sözə və götürdüyüm öhdəliklərə gücüm və dərrakəm çatdığı qədər əməl edəcəyəm: bu sənətdə müəllimimi valideynlərim kimi tanıyacağam, qazandığımı onunla bölüşəcək və ehtiyaclarında ona köməkçi olacağam; onun övladlarını özümə qardaş bilib, öyrənmək istədikləri təqdirdə onlara bu sənəti bir ödəniş və ya sənəd almadan öyrədəcəyəm; şifahi dərsləri və təbabət biliklərini öz və müəllimimim övladlarına və ancaq təbabət qaydalarına sadiq və həkim andı içən şagirdlərimə öyrədəcəyəm. Bunlardan başqa bir kimsəyə öyrətməyəcəyəm. Gücüm çatdığı qədər müalicəmi heç bir vaxt pislik üçün deyil, kömək üçün istifadə edəcəyəm.
Məndən istifadə üçün zəhər istəyənə onu verməyəcəyim, belə bir hərəkət tərzini belə tövsiyə etməyəcəyəm. Bunun kimi bir hamilə qadına uşaq salması üçün kömək etməyəcəyəm. Həyatımı, sənətimi tərtəmiz bir şəkildə istifadə edəcəyəm. Sidik kisəsi daşından əziyyət çəkənləri yarmayacaq və onları bu işlə məşğul olanlara həvalə edəcəyəm. Hansı evə daxil olaramsa, ancaq xəstənin xeyrini düşünəcəyəm, qəsdli olan bütün pisliklərdən qaçacağam, istər azad, istər kölə olsun, kişi və qadınların bədənini sui-istifadə etməkdən çəkinəcəyəm.
İstər sənətimin icrası, istərsə də sənətim xaricində insanlarla münasibətdə baş verənləri, görüb eşitdiklərimi bir sirr olaraq saxlayacağam və kimsəyə açmayacağam. Andıma sadiq olaramsa qoy həyatımda və sənətimdə nəsibim xoşbəxtlik və insanların rəğbəti, olmaramsa bunun əksi olsun."
"
Ən Çox Oxunanlar
Yeni Xəbərlər
