Həyat üçün təhlükəli - 6 dərman birləşməsi
- 2023.05.18 17:28
- 3204 Baxış
Özümüzü pis hiss etdiyimiz zaman əlimizi uzadacağımız ilk şey dərman çantasıdır. Amma dərmanların bir-biri ilə necə birləşməsini düşünmədən özünü müalicə sonda acı nəticələr verə bilər.
Çoxları həkimə müraciət etmədən və hətta təlimatları oxumadan müxtəlif dərmanlar qəbul edir. Eyni zamanda, baş ağrısı, soyuqdəymə, öskürək və ya allergiyanı müalicə etdiyimiz bəzi tabletlər, tozlar, məhlullar və kapsullar müxtəlif xroniki patologiyaların müalicəsi üçün təyin olunan dərmanlarla ziddiyyət təşkil edə bilər. Belə dərman qarışımı orqanizmdə partlayış yarada bilər.
“Medicina” xəbər verir ki, kardioloq, Valentina Baydinanın sözlərinə görə, bəzi dərman birləşmələri sağlamlığı və hətta həyatı təhdid edə bilər.
Hansı dərmanların birləşdirilməsi təhlükəlidir.
Allergiya və öskürək üçün vasitələr - Oxşar təsirə malik, bir istiqamətli təsir göstərən iki və ya daha çox dərman vasitəsinin birgə istifadəsi dərmanların toksik səviyyələrinin toplanmasına səbəb ola bilər. Bu cür birləşmələr iştah və yuxu pozğunluğuna, hərəkətlərin ləngiməsinə, keyliyə gətirib çıxarda bilər.
Antidepressantlar və ağrıkəsicilər – İki dərman mədənin divarlarında qanaxma verə bilər. Dərmanların birgə istifadəsi riski 7 dəfə və ya daha çox artırır.
Aspirin və antikoaqulyantlar - xarici və ya daxili qanaxmaya səbəb ola bilər.
MAO inhibitorları və soyuqdəymə dərmanları – Xəstələr spreylər və ya damcılar istifadə edərlərsə, kofein, aspirin, parasetamol kimi dərmanlar içirlərsə, ciddi hipertansif böhranın inkişafına və hətta ağırlaşmalardan ölümə səbəb ola bilər.
Ürək dərmanları və digər dərmanlar - Furosemid və digoksinin birləşməsi xüsusilə ödem və yüksək təzyiqin inkişafı fonunda təhlükəlidir. Bu birləşmə sidikdə kaliumun itirilməsinə gətirib çıxarır və diqoksinin səviyyəsinin özü bu fonda yüksələrək zəhərli konsentrasiyalar əmələ gətirir. Hipertensif böhrana səbəb ola biləcək Viagra analoqlarının istifadəsi də ürək üçün təhlükəlidir. Bu dərmanı qəbul edən zaman nitroqliserin istifadə olunarsa, ölüm riski yarana bilər.
Təzyiq dərmanları və antibiotiklər - Hipertoniyanı müalicə edərkən həkimlər ACE inhibitoru və ya angiotenesin-2 reseptor blokatorları təyin edə bilərlər. Bu zaman trimetoprim və sulfametoksazol (ko-trimoksazol, biseptol) qrupundan olan antibiotiklərdən istifadə etmək qadağandır. Təzyiq üçün dərmanların eritromisinlər və makrolidlər qrupundan olan dərmanlarla birləşməsinin təhlükəsi barədə sübutlar var. Bu zaman həzm problemləri, yüksək qan təzyiqi, insult riski mümkündür.
Günay Quliyeva
Ən Çox Oxunanlar
Yeni Xəbərlər
