Hər gün qatıq yesəniz orqanizmə nə olacaq?
- 2023.09.11 11:05
- 2482 Baxış
Lent.az xarici KİV-ə istinadən xəbər verir ki, dietoloq Broke Qlaserə görə, qatıq zülal, kalsium və probiyotiklər kimi qida maddələrinin əla mənbəyidir.
Bu məhsul sümüklər, bağırsaqlar üçün faydalıdır və arıqlamağa kömək edir. Bir porsiya az yağlı qatıq 14 qrama qədər protein təmin edə bilər. Proteinin toxluq hissi və aclıq hormonlarını azaltmaq kimi bir sıra faydaları var. Buna görə də, qatıq gün ərzində enerji almanıza kömək edəcək ideal səhər qəlyanaltısı ola bilər.
Tədqiqatlar sübut edib ki, süd məhsullarının qəbulunu artırmaq yüksək qan təzyiqinin inkişaf riskini azalda bilər. Balanslaşdırılmış pəhrizin bir hissəsi kimi müntəzəm qatıq istehlakı xəstəlik riskini 30% aşağı salır.
Qatıq həmçinin xolesterol səviyyəsini aşağı salmaqla ürək sağlamlığını yaxşılaşdırmağa kömək edə bilər. Sağlam bağırsaq orqanizmin xəstəliklərdən qorunmasında mühüm rol oynayır. Qatıq bağırsaqları tarazlaşdırmağa kömək edir, selikli qişaların keçiriciliyini tənzimləyir və bağırsaq sağlamlığını qoruyur. Qatığın tərkibində probiotiklərin olması virus və toksinlərlə mübarizə apara bilən təbii antikorların və immun hüceyrələrin sintezini stimullaşdıra bilər.
Ən Çox Oxunanlar
Yeni Xəbərlər
