Hansı özəl klinikaya etibar edirsiz? - SORĞU

Xəbərlər
Dərmanlar
Hər gün 800-1000 nəfər müəllim vaksin olunacaq

Hər gün 800-1000 nəfər müəllim vaksin olunacaq

2021.03.04 11:36
1751 Baxış

Dünəndən etibarən Bakı şəhərinin ümumtəhsil müəssisələrində çalışan müəllimlərin vaksinasiyasına başlanılıb.

Təhsil Nazirliyindən Medicina.az -a verilən məlumata görə, gün ərzində 800-1000 nəfər müəllimin peyvənd olunması mümkündür.

Qeyd edək ki, ümumi təhsil müəssisələrinin pedaqoji və texniki heyəti üçün nəzərdə tutulan vaksinasiya prosesinə ilkin olaraq yaşı 50 və daha yuxarı olan şəxslər cəlb olunub. Hər mərkəz üzrə gündə (saat 09:00-dan 15:00-dək, hər saatda 20 nəfər olmaqla) təxminən 120 nəfərin peyvənd olunması nəzərdə tutulur. Vaksinasiya prosesinə paytaxt üzrə ilkin olaraq yaşı 50 və daha yuxarı olan 20 000 nəfərə yaxın pedaqoji və texniki heyət üzvünün cəlb olunması nəzərdə tutulur.

“Azərbaycan Respublikasında COVID-19 xəstəliyi əleyhinə 2021-2022-ci illər üçün Vaksinasiya Strategiyası”na uyğun olaraq təşkil edilmiş vaksinasiya prosesi Bakı şəhərində yerləşən ümumi təhsil məktəblərində 10 peyvənd məntəqəsində (Binəqədi rayonunda - 276, Xətai rayonunda -56, Xəzər rayonunda -26, Suraxanı rayonunda – 84, Sabunçu rayonunda – 90, Səbail rayonunda – 239, Nərimanov rayonunda – 258, Nəsimi rayonunda - 14, Nizami rayonunda 129, Yasamal rayonunda 158 saylı tam orta məktəblər) həyata keçirilir.