Hepatitə yoluxmuş kişi xəstəliyi arvadına keçirir
- 2022.01.07 19:03
- 2329 Baxış
Hepatit C ciddi xəstəliklərdən biridir. Bu xəstəliyə yalnız narkotik istifadəçiləri və ya qan köçürülən insanlar deyil, hər birimiz yoluxa bilərik.
Yoluxma halı ən çox xəstələrlə daimi kontaktda olan insanlar üçün realdır.
Bəs hepatit C-dən əziyyət çəkən insanla cinsi əlaqə qurmaq olar? Əgər sevdiyiniz insan xəstədirsə, o zaman nə etmək lazımdır?
Nəzərə alsaq ki, evli cütlüklər arasında daha çox kişi kənar intim münasibətlərdə ola bilir, ona görə də kişiyə cinsi yolla hepatit keçdiyi halda o arvadını da xəstələndirə bilər və çox ailələrdə yoluxma elə bu yolla baş verir.
Medicina.az xəbər verir ki, alimlərin uzun illər boyunca apardıqları araşdırmalar göstərir ki, hepatit C virusuna cinsi yolla yoluxma riski çox aşağıdır. Bu riski tam aradan qaldırmaq üçün isə bəzi qoruyucu tədbirlər görülməlidir.
Hepatit C virusuna cinsi yolla daha çox daimi partnyoru olmayan şəxslər yoluxur. Bu xəstəliyə ən çox yoluxma riski fahişələr və homoseksuallardadır.
Hepatit C xəstələrinin vaginal mayelərində və spermalarında kifayət qədər infeksion axıntı olmadığına görə əlaqə zamanı qoruyucudan istifadə etmək vacib deyil. Burada əsas məsələ cinsi orqanların zədəli olub-olmaması və ya başqa bir cinsi infeksiyanın olmasıdır.
Menstural qanaxma zamanı yoluxma riski də artmış olur. Belə olan halda qoruyucudan istifadə vacib olur. Eyni aspektdən götürsək partnyorlar yara və kəsikləri bağlamalı və müalicə etməlidirlər. Çünki istənilən qanayan yara sağlam orqanizmi bu virusa yoluxdura bilər. Bu həmçinin anal seksə də aid edilir.
İİV və hepatit B viruslarından fərqli olaraq hepatit C vuirusuna yoluxmaq kifayət qədər mürəkkəbdir. Ən əsası xəstə insana yaxınlaşarkən təhlükəsizlik qaydalarına riayət etməkdir.
Hepatit C-yə yoluxmamaq üçün bir sıra qaydalara əməl edilməlidir. İlk növbədə qan təmasından uzaq durun. Açıq yara olduqda onu təcili şəkildə bağlayın. Əgər qan mebelə və ya yatağa düşərsə o zaman həmin yeri dezinfeksiyaedici məhlulla yuyun. Xəstənin diş fırçasından, üzqırxanından, depilyatorundan və s. istifadə etmək məsləhət deyil.
Əl sıxma, öpüşmə, toxunma, eyni qabdan istifadə etməklə bu virusa yoluxmaq mümkün deyil. Buna görə də xəstə insanın ətraf alımdən təmamilə təcrid olunmasına ehtiyac yoxdur.
Ən Çox Oxunanlar
Yeni Xəbərlər
