Həkimlər dərdimi tapa bilmir, göz qapağım şişib böyüyür - Sənubər İsgəndərlinin səhhətində problem
- 2018.10.04 16:14
- 10067 Baxış
Əməkdar artist Sənubər İsgəndərli eynəklə gəzməsinə aydınlıq gətirib.
Medicin.az xəbər verir ki, Oxu.Az-a açıqlama verən İsgəndərli buna səbəbin gözündə yaranan problem olduğunu deyib.
"Həkimlər bilmir ki, gözümdəki problem nə ilə bağlıdır. Bir ildir müalicə alıram, ancaq düzəlmir. Düzdür, gözümdə heç bir ağrı, görmə problemi yaranmayıb, lakin göz qapağı yuxarı qalxıb və böyüməyə başlayıb. Müalicələrə davam edirəm. Bundan sonra da altı ay müalicə ediləcək. Böyük ehtimal əməliyyat olunacağam”, - deyə Əməkdar artist bildirib.
O söyləyib ki, bu problemə görə tədbirlərdən və efirdən kənar gəzir:
"Bir ildir efirlərə çıxmıram. Düşünürəm eynəklə getsəm, deyəcəklər ki, özüm qəsdən belə çıxıram. Seriallara da çəkilə bilmirəm. Amma bu il ərzində üç filmə çəkilmişəm. Onlardan biri də "Ağacdələn” filmidir. İnşallah ki, düzələrəm. Belə görüntüdə olmağım əhvalıma da təsir edir”.
Ən Çox Oxunanlar
Yeni Xəbərlər
