“Sızanaqları müalicə etmək artıq asanlaşıb…”Həkim-dermatoloq:
- 2019.01.26 11:39
- 11890 Baxış
Əsasən sızanaq kimi tanıdığımız Acne Vulgaris yeniyetmələr və gənclər arasında ən çox rast gəlinən dəri problemlərindən biridir. Sizanaqlar (Acne Vulgaris) dərimizdə yerləşən piy vəzilərinin xəstəliyidir. Adətən sızanaqlar dərinin piy vəziləri ilə zənngin olan yerlərində (üzdə, kürəkdə, sinədə) yaranırlar, ağ və qara nöqtələr, irinli, qırmızı iltihabi səpgilər şəklində təzahür edirlər.
Çox vaxt yara şəklində dəridə iz buraxan vu ağır dəri xəstəliyinin müalicəsi varmı?
Mövzu ilə bağlı həkim-dermotoloq Aysel Əliyevaya bir sıra suallar ünvanlanıb.
Medicina.az Xural-a istinadən həmin müsahibəni təqdim edir:
Qeyd etdiyimiz kimi Acne Vulgaris xəstəliyi psixo-sosial bir problem olduğu üçün gənclərimiz bu problemdən həm psixi cəhətdən, həm fiziki cəhətdən əziyyət çəkirlər. Buradan valideynlərə, həmçinin gənclərin özlərinə demək istəyirəm ki, bu problemə görə heç bir narahatçılıq çəkməyə ehtiyac yoxdur. Sadəcə vaxt itirmədən düzgün istiqamət götürməli, düzgün həkim taparaq, düzgün müalicə təyin olunaraq həmin müalicəyə əməl eləyərək, xəstəlikdən tam azad olmaq mümkndür. Yəni Sızanaqları müalicə etmək artıq asanlaşıb.
Ümumiyyətlə, Acne Vulgaris xəstəliyilə bağlı məlumat verərsinizmi?
Hal-hazırda Acne Vulgaris xəstəliyi ölkəmizdə gənclər və yeniyetmələr arasında ən aktual problemdir. Demək olar ki, 100/85-90 faiz yeniyetmə və gənclərimiz bu xəstəlikdən əziyyət çəkirlər. Xəstəliklə bğlı nə qədər maarifləndirilmə işləri parılsa da, hələ də insanların təfəkküründə sağalmayan və yaxud da daxili orqanlarla bağlı problemlərdən – gənə, qurd və s. –dən qaynaqlandığı xəstəlik kimi qəbul edilir. Halbuki Acne Vulgaris xəstəliyi nə daxili – gənə, qurd və s. kimi problemlərlə əlaqəli xəstəlik deyildir. Yəni xəstəlik fakt olaraq əm genetik, həm fiziki faktorlara , həm də dərinin yağlılıq faktoruna əsasən ortaya çıxan bir xəstəlikdir. Eyni zamanda bu xəstəlik tam olaraq müalicə olunan, müəyyən protokollar üzrə müalicəsi təyin olunan, sağaln bir xəstəlikdir.
Xəstəliyin yaranma səbəbləri necədir?
Bir daha təkrar edirəm ki, burada həm genetik faktor vardır, yəni ananın və yaxud atanın genetikasında belə bir xəstəlik varsa, ondan övlada ötürülür. Hətta bu belə olmadıqda dərinin yağlılıq problemindən Acne Vulgaris-un yaranma ehtimalı artır. Dəridə tük follikullarının dibinə açılan piy vəziləri vardır və bu piy vəzilərinin piy-yağ ifrazının və bu yağ ifrazının artması nəticəsində dəridəki məsamələrin dolması və bura qoşulan propenium-bakterium acne və ya digər bakteriyaların təsiri nəticəsində iltihablaşma kimi proseslərin yaranması səbəb olur. Tük dərinin dərin qatında yerləşən tük soğanağı olan follikuldan inkişaf edir. Tük follikulunun soğanağının yanında dəri piyi ifraz edən piy vəzisi yerləşir. Piy vəzisi dərini qurumaq və çatlamaqdan qorumaq üçün tük follikulu vasitəsi ilə dərinin səthinə piy xaric edir. Dəri nə qədər çox piy ifraz edirsə, onun səthində sızanaqların əmələ gəlməsi ehtimalı da o qədər artıq olur. Adətən, yağlı dərisi olan insanlarda sızanaqlara daha tez-tez təsadüf edilir. Son nəticədə gördüyünüz kimi bir sıra iltihabi xəstəliklər, görüntülər meydana çıxır. Bunu da həm daxilə, həm də xaricə təyin olunmuş dərman vasitələrindən, həm də müəyyən prosedurlar nəticəsində aradan qaldırmaq mümkün olur.
Siz dediniz ki, həm daxili və həm də xarici müalicə vasitələrindən istifadə etməklə bu problemi tam aradan qaldırmaq mümkündür. Xarici müalicə vasitələri dedikdə nəyi nəzərdə tutursunuz?
Müxtəlif vasitələr mövcuddur. Bunlardan biri də Hidrodemobraziya prosedurudur. Bu prosedur vasitəsilə dərinin üst qatında olan ölü hüceyrələri götürərək, məsamələri açmaq mümkündür. Bu da piy ifrazı rahatlıqla bağ verir. Prosedur həm Acne xəstəliklərində, həm dərinin cavanlaşmasında, dəridə yaşlanma prosesinin aradan qaldırılmasında, hiperpiqmentasiyanın aradan qaldırılmasında, dərinin donuq və solğun rənginin bərpa olunmasında – üz dərisinin istənilən hissəsində monoton rəngin alınmasında istifadə olunur.
Çox zaman insanların sosial durumları belə müayinə və müalicələrin aparılmasına imkan vermir…
Bilirsinizmi, insanlar çox vaxt itirdikləri əsas məsələləri unudaraq, bunu maddi problemlərlə əlaqələndirirlər. Halbuki, Acne xəstəliyinin müalicəsi düşünüldüyü kimi də baha deyildir. Sadəcə bunun üçün böyük istək və həkimin təyin etdiyi müalicə və prosedurları vaxtında yerinə yetirmək lazımdır. Nəticəsi isə heç bir maddiyyata bağlı olmayan könül rahatlığıdır.
O zaman belə problemləri olan yeniyetmə və gənclərimiz rahatlıqla həkimə müraciət edə bilərlər…
Əlbəttə. Valideynlər övladlarına görə çox narahat olmalıdırlar. Çünki üz dərisində yağlı sızanaqların yaranması və yara şəklinə düşməsi – xəstəliyin getdikcə ağırlaşması övladlarında həm də daxili kompleksin yaranmasına, psixoloji sıxıntılara səbəb olur. Onlar istədikləri həyatı yaşamağa layiq olmadıqlarını düşünürlər. Ona görə də müsahibənin əvvəlində bu xəstəliyin həm də psixoloji xəstəliklərin yaranmasına səbəb olmasına işarə etdim.
Ən Çox Oxunanlar
Yeni Xəbərlər
