Gözdə linza ilə hovuzda üzmək olmaz
- 2025.04.22 16:53
- 58 Baxış
Linzalarla üzgüçülük buynuz qişada xoraların əmələ gəlmə riskini artırır.
“Medicina” xəbər verir ki, oftalmoloq Dinara Loova bu barədə danışıb:
"Ən dəhşətli keratitlərdən biri Acanthamoeba amöbindən qaynaqlanır. O, çay və dəniz sularında, durğun su hövzələrində, həmçinin kran sularında və hovuzlarda da rast gəlinir. Təəssüf ki, bu bakteriya xlorlu suya davamlıdır".
Mütəxəssisin qeyd etdiyi kimi, keratit vaxtında müalicə edilmədikdə ciddi təhlükə yaradır ki, bu da buynuz qişanın bulanmasına və görmə qabiliyyətinin pisləşməsinə, ağır hallarda isə xoraların əmələ gəlməsinə səbəb olur.
Keratitin əsas səbəbləri viruslar, göbələklər və ya protozoaların yaratdığı göz zədələri və infeksiyalardır.
Həkimin sözlərinə görə, akantamoeba keratiti şiddətli ağrılarla müşayiət olunan ciddi xəstəlikdir. Öz-özünə getmədiyi üçün məcburi tibbi müdaxilə tələb olunur.
Oftalmoloq əlavə edib ki, ilkin mərhələdə simptomlar adi konyunktivitə bənzəyir, yalnız gözlərin qızarması kimi özünü göstərir. Bəzi hallarda keratokonjunktivit inkişaf edir, bu zaman iltihab prosesi həm konjonktiva, həm də buynuz qişaya təsir göstərir.
Loova vurğuladı ki, kontakt linzaların, xüsusilə uzunmüddətli və pis gigiyena ilə istifadəsi yoluxucu ağırlaşmaların riskini əhəmiyyətli dərəcədə artırır. Məsələn, linzalarda yatmaq keratitin inkişaf ehtimalını 10-15 dəfə artırır.
Həkim qeyd edib ki, kontakt linzalardan geniş istifadə olunmazdan əvvəl akantamoeba keratiti olduqca nadir idi, lakin indi daha çox linzalara qulluq qaydalarına məhəl qoymayan insanlarda diaqnoz qoyulur.
Aygün Musayeva
Ən Çox Oxunanlar
Yeni Xəbərlər
