Fibromialgiyanın səhərlər əlaməti

2023.07.27 18:14
1401 Baxış

Fibromialgiya sindromu bütün bədəndə ağrıya səbəb olan uzunmüddətli xroniki vəziyyətdir. Fibromiyalgiya adətən 25-55 yaş arası insanları əhatə edir.

Bu sindromun xəbərdaredici əlaməti yuxudan oyanan kimi görünə bilər.

“Medicina” xəbər verir ki, həkim Tatyana Zaxarovanın sözlərinə görə, bu vəziyyətin dəqiq səbəbi bilinmir, lakin bunun beyindəki müəyyən kimyəvi maddələrin anormal səviyyələri və mərkəzi sinir sisteminin ağrı siqnallarına qarşı dəyişikliklərlə əlaqəli olduğu düşünülür.

“Əsas simptom geniş yayılmış ağrıdır, lakin səhər saatlarında başqa bir əlamət görünə bilər. Həmçinin bu sindromda kifayət qədər yatmağınıza baxmayaraq oyandığınız zaman sizi yorğun hiss etdirir.

Gecə yeddi-doqquz saat yatamağa baxmayaraq insan özünü hələ də yuxsuz və yorğun hiss edə bilər. Yorğun yuxudan oyanmaqla yanaşı, sağlamlıq vəziyyəti də aşağıdakı xəbərdarlıq əlamətlərdən xəbər verir:

• Ağrıya qarşı artan həssaslıq

• Əzələ sərtliyi

• Zehni proseslərlə bağlı problemlər (duman kimi tanınır), məsələn, konsentrasiya və ya şeyləri xatırlamaqda çətinlik.

• Baş ağrısı

• Qıcıqlanmış bağırsaq sindromu (IBS)

• Əsəbi, narahat və ya pis əhval-ruhiyyədə hiss etmək.

Günay Quluzadə