Evdə soyuqdəymə və qripi müalicə edərkən hansı səhvlərə yol veririk?

2023.01.03 11:22
4892 Baxış

Britaniyalı əczaçılar Sadiq Əl-Həssan və Mayk Hyuitson insanların çoxunun evdə mövsümi virus infeksiyalarını müalicə edərkən yol verdiyi ümumi səhvlərdən danışıb.

Lent.az xarici mediaya istinadla xəbər verir ki, onlar aşağıdakı səhvləri sadalayıblar:

1. C vitamininin köməyi ilə SARS-dan sağalmaq olar

“İnfeksiya mövsümündə insanlar tez-tez C vitamini qəbul edirlər, lakin bunun kömək etdiyinə dair çox az sübut var. Bəzi araşdırmalara görə, bu, soyuqdəymədən daha tez qurtulmağa kömək edə bilər, lakin sübutlar hələ də kifayət qədər qeyri-müəyyəndir”, - əczaçı Sadiq Əl-Həssan deyib.

2. Exinaseya soyuqdəymə üçün faydalıdır

Bu bitki immunitet sistemini stimullaşdırmaq qabiliyyətinə malikdir ki, orqanizm soyuqdəymə və ya qriplə daha sürətli mübarizə apara bilsin. Əczaçının sözlərinə görə, tədqiqatlar göstərib ki, exinasyanın (Exinaseya kök və yarpaqlarından dərman məqsədləri üçün istifadə edilən çobanyastığı fəsiləsinə aid, qədim zamanlardan məlum olan dərman bitkisidir - red.) qəbulu müəyyən dərəcədə kəskin respirator virus infeksiyalarının qarşısının alınmasına kömək edə bilər, lakin xəstəlik zamanı dərmanın effektivliyi çox aşağı olur, daha az xəstələnməyə kömək etmir.

3. Antibiotiklərin istifadəsi

Mütəxəssislər antibiotiklərdən istifadəni çox daha ciddi səhv adlandırıblar. Mütəxəssislər vurğulayırlar: soyuqdəymə və qrip virus infeksiyalarıdır, onlar antibiotiklərlə müalicə edilmir, təsiri antibakterialdır. SARS üçün belə bir müalicə yoxdur. Adətən xəstə insanlara təyin olunan dərmanlar yalnız xoşagəlməz əlamətləri aradan qaldırır.

“Soyuqdəymə və qripin birbaşa müalicəsi yoxdur, əsas odur ki, əlamətləri aradan qaldıraq.

Temperaturun aşağı düşməsinə kömək edən parasetamol qəbul edə, həmçinin bol su içə bilərsiniz”, - əczaçılar bildirib.