Evdə şam yandırmaq zərərlidir? - Beyinə təsiri
- 2025.04.03 08:58
- 241 Baxış
Evdə şam yandırmaq bir çox insan üçün istirahət üsullarından biridir. Xüsusilə ətirli şamlar evin qoxusunu və aurasını dəyişə bilir. Lakin istifadə edilən mumun növündən və tərkib hissələrindən asılı olaraq sağlamlığa müsbət və ya mənfi təsir göstərə bilər.
Beləliklə, şam yandırmaq həqiqətən faydalıdır, yoxsa zərərlidir?
Medicina.az xəbər verir ki, evdə düzgün şam növündən (məsələn, arı mumu və ya soya mumu) istifadə bir çox fayda verə bilər. Bununla belə, parafin əsaslı şamlar tənəffüs yollarına zərər verə bilən və havanın keyfiyyətini azaldan zərərli kimyəvi maddələr buraxa bilər. Sağlam bir mühit yaratmaq istəyirsinizsə, təbii və kimyəvi tərkibsiz şamları seçmək ən yaxşı seçimdir.
Evdə şam yandırmaq beyin hüceyrələrinə zərər verə bilər. Uzun müddət onlarla nəfəs almaq isə miqren yaradar.
Parafin əsaslı şamlar yandıqda benzol, toluol və formaldehid kimi zəhərli kimyəvi maddələr buraxa bilər. Buna görə də evdə şam yandırmaq immunitet sistemini sıxışdıraraq beyin dumanı yarada bilər.
Keyfiyyətsiz şamlar zəif havalandırılan mühitlərdə uzun müddət yandırıldıqda, karbonmonoksit ayrıla bilər. Bu maddələr beynin oksigen qəbulunu azaltmaqla müxtəlif sağlamlıq problemlərinə səbəb ola bilər. Evdə şam yandırmaq kifayət qədər oksigenin beyinə çatmasının qarşısını alaraq konsentrasiyanı azalda bilər. Digər tərəfdən, şam qoxusu zamanla sinir hüceyrələrini zədələyərək nevroloji xəstəliklər riskini artırır. Bu, unutqanlığa, diqqətin olmamasına və yorğunluq hisslərinə səbəb ola bilər.
Evdə şam yandırmaq hormon balansını poza bilər və narahatlıq, depressiya riskini artırar. Bəzi ətirli şamların tərkibində sintetik ətir və kimyəvi əlavələr var. Nəfəs aldıqda bu maddələr beyin kimyasını pozaraq əhval-ruhiyyəyə və sinir sisteminə mənfi təsir göstərər. Digər tərəfdən, evdə şam yandırmaq diqqəti toplamaq problemlərinə və zehni yorğunluğa səbəb ola bilər.
Düzgün şam seçmək: Tərkibində parafin olmayan təbii mumlardan (arı mumu, soya mumu) istifadə etmək olar. Kimyəvi ətirlərin yerinə tərkibində təbii efir yağları olan ətirli şamlara üstünlük verin.
Havalandırma: Şamlar qapalı yerlərdə uzun müddət yandırılmamalıdır.
Həddindən artıq istifadə: Gündə bir neçə saatdan çox qapalı yerdə şam yandırmaq beyin sağlamlığına zərər verə bilər. Bu səbəbdən qısa müddət ərzində şam yandırmaq məsləhət görülür.
Aygün
Medicina.az
Ən Çox Oxunanlar
Yeni Xəbərlər
