Eşitmə itkisi müalicə olunmazsa, nə baş verə bilər?
- 2024.07.31 22:12
- 1299 Baxış
Eşitmə itkisi qocalmanın normal bir hissəsidir. Ancaq bununla bağlı heç bir şey edilməzsə, bədənə mənfi təsir göstərə bilər.
Medicina.az xəbər verir ki, bunu Mayo Klinikasının otorinolarinqoloqu Dr.Nikolas Dip bildirib.
O, eşitmə itkisinin koqnitiv, sosial və fiziki sağlamlığa necə təsir etdiyindən danışıb.
“Eşitmə itkisi müalicə olunmazsa, beyni təhrif olunmuş mesajları şərh etmək üçün daha çox işləməyə məcbur edəcək. Nəticədə düşüncə, yaddaş və ya digər yüksək səviyyəli funksiyalar üçün daha az idrak ehtiyatı qalacaq.
Xəstələr eşitmə qabiliyyətinə görə artıq normal ünsiyyət qura bilmədiklərindən əsəbiləşirlər. Onlar cəmiyyətdən uzaqlaşır, daha az aktivləşir və dostları və ailəsi ilə daha az ünsiyyətdə olurlar. Bu, təkliyə, sosial izolyasiyaya və depressiyaya səbəb ola bilər. Bütün bunlar zehni geriləmə üçün risk faktorlarıdır”. – deyə həkim qeyd edib.
Onun sözlərinə görə, eşitmə qabiliyyəti zəif olan insanlar getdikcə daha çox evdə qalırlar:
“Onların fiziki fəaliyyəti azalmağa başlayır, bu da tarazlığı qorumaq qabiliyyətinin pisləşməsinə səbəb olur. Nəticədə onların yıxılma riski artır. Həmçinin, müalicə olunmazsa, eşitmə itkisi xəstəxanaya yerləşdirilmə, şəkərli diabet və ürək-damar xəstəliklərinə tutulma ehtimalının artmasına səbəb ola bilər. Belə insanlar üçün hətta ölüm riski də daha yüksəkdir”.
Aysel
Ən Çox Oxunanlar
Yeni Xəbərlər
