Əməliyyat zamanı qadının qarnında salfet qaldı - ÖLDÜ
- 2018.01.16 14:32
- 12516 Baxış
Rusiyanın Krasnodar diyarının Kuban şəhərində xəstəxanaların birində həkimlər əməliyyat zamanı qadının qarın boşluğunda salfeti unudublar.
Medicina.az aznews.az-a istinadən xəbər verir ki, araşdırmalara görə, 2017-ci il 10 fevral tarixində 56 yaşınlı bir qadın Krasnodar Şəhər Klinik Təcili Xəstəxanasına aparılıb və burada əməliyyat olunub. Mart ayının 2-də xəstə evə buraxılıb. 17 may tarixində isə qadın dünyasını dəyişib. Rusiya Federasiyası Cinayət Məcəlləsinin istintaq idarəsinə göndərilən ölüm hadisəsi araşdırılıb. Ekspertizanın nəticələrinə görə məlum olub ki, qadının ölümünə səbəb həkimlər onu əməliyyat edən zaman qarın boşluğunda unutduğu salfetdir.
Krasnodar Mərkəzi Rayon Şöbəsinin İstintaq İdarəsi tərəfindən "şəxsin peşə vəzifələrinin düzgün icra edilməməsi nəticəsində ölümə səbəb olma" maddəsi ilə cinayət işi açılıb. Tibbi ekspertiza aparılıb. Əməliyyat zamanı həkimə kömək edən tibb işçilərinin hərəkətlərinə də müvafiq hüquqi qiymət veriləcək. İstintaq davam edir.
Ən Çox Oxunanlar
Yeni Xəbərlər
