Əgər yüksək təzyiqiniz varsa, bu tövsiyələrə qulaq asın!
- 2025.01.24 16:33
- 305 Baxış
Yüksək qan təzyiqi, yəni hipertoniya ürək-damar sağlamlığına mənfi təsir göstərə bilər. Bununla belə, bəzi həyat tərzi dəyişiklikləri və qidalar qan təzyiqini tənzimləməyə kömək edir.
Medicina.az təqdim edir:
Yüksək qan təzyiqi üçün bəzi məsləhərlər:
Kaliumla zəngin qidalar: Kalium natriumun təsirini tarazlaşdıraraq qan təzyiqini aşağı salmağa kömək edər. Kaliumla zəngin qidalara banan, kartof, ispanaq, ağ lobya, avokado və ərik daxildir.
Omeqa-3: Omeqa-3 yağ turşuları qan damarlarını rahatlaşdırmağa və qan təzyiqini aşağı salmağa kömək edər. Omeqa-3 ilə zəngin qidalara qızılbalıq, sardina, qoz və kətan toxumu daxildir.
Sarımsaq: Sarımsaq damar genişləndirici təsiri ilə tanınır və qan təzyiqini aşağı salmağa kömək edər.
Liflə zəngin qidalar: Lif bədəndən artıq natriumun çıxarılmasına kömək edir, bu da qan təzyiqini aşağı sala bilər. Yulaflar, bütün taxıllar, tərəvəzlər, meyvələr və paxlalılar yaxşı lif mənbəyidir.
Süd və süd məhsulları: Az yağlı süd və qatıq kimi məhsullar bədənin kalsium ehtiyacını ödəyir və qan təzyiqini aşağı salar.
Zeytun yağı: Zeytun yağı sağlam yağ mənbəyidir və iltihab əleyhinə xüsusiyyətlərə malikdir. Zeytun yağının müntəzəm qəbulu ürək sağlamlığını dəstəkləyir və qan təzyiqini aşağı salır.
Hibiskus çayı: Hibiskus çayı qan təzyiqini aşağı salmaqda təsirli ola bilər. Daimi qəbulu yüksək təzyiq problemlərini yüngülləşdirə bilər.
Fiziki fəaliyyət: Daimi idman qan təzyiqini tənzimləməyə kömək edir. Orta intensivlikdə həftədə ən azı 150 dəqiqə məşq etmək hipertoniya riskini azaldar.
Stressdən uzaq durun: Həddindən artıq stress qan təzyiqini artıra bilər. Yoqa, meditasiya, dərin nəfəs məşqləri və rahatlaşdırıcı fəaliyyətlər qan təzyiqini idarə etməyə kömək edə bilər.
Qan təzyiqi problemi olan birinin bu tövsiyələrə əməl etməzdən əvvəl həkiminə müraciət etməsi vacibdir. Yüksək qan təzyiqi üçün həkim məsləhəti və müalicə prosesi lazımdır.
Aygün Nəbiyeva
Medicina.az
Ən Çox Oxunanlar
Yeni Xəbərlər
