Əcnəbi lektorlar BTİMM-nin sponsorluq etdiyi tədbirdə
- 2024.04.09 14:30
- 1062 Baxış
Bioloji Təbabət İnteqrativ Müalicə Mərkəzinin sponsorluq etdiyi beynəlxalq tədbirin başlamasına sayılı günlər qalıb.
Aprelin 20-də baş tutacaq XRONİKİ XƏSTƏLİKLƏRİN DİAQNOSTİKASI VƏ MÜALİCƏSİNƏ MÜASİR YANAŞMA mövzusunda Beynəlxalq elmi-praktiki simpoziumda İtaliya, İsveçrə və Türkiyənin dünyada tanınmış həkim və ekspertləri çıxış edəcək, eləcə də Azərbaycandan 3 həkimin məruzəçi olduğu tədbirdə 300-dən artıq yerli həkim və tibb işçilərinin iştirakı nəzərdə tutulub.
"Medicina" xəbər verir ki, İtaliyanın Milan şəhərində yerləşən “Guna” Pharmaceuticals şirkətinin elmi direktoru, Dr.Alessandro Perra simpoziumla bağlı ölkəmizə dəvət almış xarici lektorlardan biridir.
Dr.Perra Homotoksikologiya, Fizioloji tənzimləmə təbabəti və Homeopatiya üzrə kifayət qədər nəzəri biliyə malik tanınmış ekspertdir.
Onun müxtəlif ixtisaslaşmış jurnallarda tibbin bu sahələri ilə bağlı 100-dən artıq elmi məqaləsi çap olunub. Eyni zamanda adı çəkilən sahələrin tədrisi üçün elmi bazanın yaradılmasında yaxından iştirak edib. “Homeopatiyanın səmərəsinin elmi sübutları" layihəsinin Beynəlxalq Komitəsinin üzvüdür. Dr. A. Perra bu sahədə aparılan tədqiqatlara və təlimlərə həsr olunmuş "Fizioloji tənzimləmə təbabəti" beynəlxalq seminarının üzvü kimi hüceyrələrə və heyvan nümunələrinə aşağı dozalı sitokininlərin təsiri sahəsində fəal tədqiqatçıdır.
Dünyanın bir çox ölkəsində "Tibbin fizioloji tənzimlənməsi" və "Kiçik dozalı preparatların farmakologiyası" mövzusunda keçdiyi 6000 saatlıq təlim iştirakşılar tərəfindən həmişə maraqla qarşılanıb. Bu ölkələr arasında ABŞ, Birləşmiş Krallıq, Fransa, İsrail, Rusiya, Albaniya, Kolumbiya, Moldova, Meksika, Panama, Kanada, Rumıniya, Gürcüstan, Çexiya, Slovakiya, Serbiya Respublikası, Yunanıstan, Ukrayna, Hindistan, Çili, İrlandiya və İspaniya da var. Ümid edirik ki, Dr. A. Perranın paytaxtımızda keçiriləcək "I Beynəlxalq Elmi-Praktiki Simpozium” dakı məruzəsi də iştirakçıların marağına səbəb olacaq.
Simpoziumun digər xarici lektoru Bioloji təbabət üzrə tanınmış ekspert Dr.Thomas Rau İsveçrədə Sonnenberg Biomed Mərkəzinin təsisçisi və baş həkimidir.
Türkiyədə Bütüncül tibb məktəbinin yaradıcısı və rəhbəri, onkoloq Murat Baş da beynəlxalq tədbirin məruzəçilərindəndir.
Xatırladaq ki, simpozium “Xroniki xəstəliklərin diaqnostikası və müalicəsinə müasir yanaşma" mövzusuna həsr olunub.
Medicina.az
Ən Çox Oxunanlar
Yeni Xəbərlər
