Dünyada korların sayı sürətlə artacaq – Qlobal təhlükə

2024.07.24 14:44
1014 Baxış

Alimlər makulyar degenerasiya səbəbindən korluq hallarının sayının artacağını proqnozlaşdırıblar.

Medicina.az xəbər verir ki, beynəlxalq alimlər qrupu 2000-2020-ci illərdə yaşa bağlı makula degenerasiyası səbəbindən yaranan qlobal görmə itkisi səviyyəsini qiymətləndirib.

2020-ci ildə bu xəstəliyə görə dünyada 1,85 milyon insan kor olub, 6,23 milyon insan isə orta və ağır formada görmə qabiliyyətini itirib.

Bu, ən çox işıq şüalarının fokuslandığı makulaya (makula) təsir edən qazanılmış degenerativ xəstəlikdir.

Xəstəliyin inkişafı üçün risk faktorları arasında yaşlanmaq, genetik mənşə, ailə tarixi, avropalı əcdad və siqaret aludəçiliyi var.

Son 20 ildə xəstəliyin eksudativ mərhələdə müalicəsində əhəmiyyətli irəliləyişlər olub, lakin xəstəliyin ən çox yayılmış forması olan qeyri-eksudativ mərhələnin əksər halları hələ də effektiv müalicə edilmir.

Gələcəkdə yaşa bağlı oxşar göz xəstəliklərindən və korluqdan əziyyət çəkən insanların sayı artacaq.

Araşdırmaya görə, yüksək gəlirli ölkələrdə yaşa bağlı korluqdan əziyyət çəkən insanların sayı daha çoxdu.

2000-ci ildən 2020-ci ilə qədər yaşa bağlı makula degenerasiyası səbəbindən korluğun ümumi yayılması regionlar arasında geniş fərqlə qlobal miqyasda 19,3% azalıb. Digər tərəfdən, eyni dövrdə, yaşa bağlı görmə pozğunluğunun ümumi yayılması isə qlobal miqyasda 10,1% artıb.

Bir tərəfdən araşdırma göstərir ki, 20 il ərzində bu xəstəliyə görə korluq hallarının sayında azalma müşahidə edilsə də, digər tərəfdən, orta və ağır görmə qüsurlarının sayında artım müşahidə edilir.

Xəstəliyin yayılması ölkədən ölkəyə dəyişən əhalinin orta yaşı ilə sıx bağlıdır.Müvafiq olaraq, nəticələr ölkədən ölkəyə dəyişir. Təəccüblü deyil ki, onlar yüksək gəlirli ölkələrdə ən yüksəkdir.

Ancaq tam görmə itkisi, orta və ağır pozulmalarla bağlı rəqəmlərin müqayisəsi tibbi müdaxilələrin öz bəhrəsini verdiyinə işarədir.

“Növbəti addım ağır nəticələrin sayını azaltmaqdır, lakin bu, vaxt aparacaq”, - deyə alimlər bildiriblər.

Aysel