Dərmansız baş ağrılarından XİLAS OLUN - ÜSULLAR
- 2018.05.21 12:36
- 12257 Baxış
Ramazan ayının ilk günlərində bir çox insanlarda baş ağrıları müşahidə olunur. Mütəxəssislər, orqanizmin alışmadığı üçün belə ağrıların baş verməsini normal hal kimi qəbul edirlər. Müəyyən üsullar vasitəsilə bu ağrılardan xilas ola bilərsiniz.
Medicina.az həmin sözügedən müalicə üsullarını təqdim edir:
Nanə yağı baş ağrısını dərmansız aradan qaldıran möcüzəvi üsuldur. Qaynar suyun içinə bir miqdar nanə yağı əlavə edib yenə bir müddət buxar vannası qəbul edin.
Nanə çayı isə ağrını rahatlaşdırmaq üçün istifadə edilən güclü sakitləşdiricidir. Çobanyastığı çayı da ağrını azaltmağa yardım edir. Odur ki, iftarda qara çayla yanaşı bitki çaylarına da yer verin.
Reyhan yağı baş ağrısını müalicə edir. O, beyin sinirlərini sakitləşdirir.
Kətan toxumu ilə baş ağrılarınızı azalda bilərsiniz. Omeqa 3 baxımından olduqca zəngin olan kətan toxumu baş ağrısının səbəb olduğu iltihabları aradan qaldırır.
Müəyyən masaj texnikaları ilə qısa müddətdə baş ağrısından xilas olmaq mümkündür. Əllərinizlə başınıza dairəvi hərəkətlər edərək masaj edin.
Qaşların arasından alnınıza doğru və burun deşikləri üzərindən göz kənarlarına doğru masaj edərək baş ağrısını azalda və ya tamamilə yox edə bilərsiniz. Yaxud da gicgahlarınıza 2 kartof dilimi qoyaraq 30 dəqiqə gözləyin.
Sarımsaq ilə də effektli nəticə əldə edə billərsiniz. Bunun üçün sarımsaq suyunu 1 xörək qaşığı bal ilə qarışdırıb udun. Bu, beyin duyğularını yenidən canlandıracaq və ağrını azaldacaq.
Ən Çox Oxunanlar
Yeni Xəbərlər
