Deputat: "Biz zay həkimlərdən necə qorunaq?"
- 2018.05.04 15:17
- 14109 Baxış
"İnsanlarım sağlamlığı məsələsi milli strateji məsələdir. Amma bu gün həkimlər televiziyaya çıxıb özünü reklam edirlər. O cümlədən bu problem dərman vasitələrinin reklamında da baş verir”.
Medicina.az Moderator.az-a istinadən xəbər verir ki, bunu deputat Musa Quliyev Milli Məclisdə "İstehlakçıların hüquqlarının müdafiəsi haqqında” qanun layihəsinin dəyişikliyin müzakirəsi zamanı səsləndirib. O qeyd edib ki, Səhiyyə Nazirliyi həkimə, tibbi avadanlığın reklamına rəy verməlidir. Dərmanlarla bağlı məsələlər xüsusilə önəmlidir. Dərman olmayan vasitələri efirdə az qala bütün dərdin dərmanı hesab edirlər. Kimlərsə bundan varlanır. Amma insanların da sağlamlığı təhlükə altına düşür. Ona görə də bu məsələ ciddi qurumlar tərəfindən araşdırılmalıdır”.
Deputat Çingiz Qənizadə də çıxışında qeyd edib ki, reklam sahəsində olduqca böyük boşluqlar var: "Bu yaxınlarda bir həkimin reklamının işfa olunması da bunu göstərdi. Biz zay həkimlərdən necə qorunaq? Nə qədər həkimləri televiziyada reklam etmək olar?. Artıq telefonlara da mesaj gəlir ki,siz hansısa klinikadan müayinə üçün uduş əldə etdiniz. İndi biz müasir dövrdə yaşayırıq. Hansı antibiotiklərin qəbul edilməsi belə analizlərin nəticəsində bilinir. Televiziyada isə həkimləri ən yaxşı, əvəzolunmaz həkim kimi təqdim edirlər. Bunun da zərərini insanlar çəkir. Çox istərdim ki, bu məsələyə ciddi reaksiya verilsin”.
Deputat Qənirə Paşayeva eyni problemə toxunub: "Biri çıxıb deyir ki,filan dərmanı içsəniz şəkər xəstəloyindən qurtulacaqsınız. Axı şəkər bir dərmanla müalicə olunası deyil. İndi həm xəstələr, onların yaxınları müalicə ilə bağlı məsələlərdə həssas olurlar”.
Deputat Aqil Abbas qeyd edib ki, televiziyalar xəstəxanaların, həkimlərin, dərmanların, şadlıq evlərinin reklamını edirlər: "İndi mərasim zallarının da reklamına başlayıblar. Burada deyilən sözlər burda qalmasın. Nə qədər ara həkimlərini reklam etmək olar?"
Ən Çox Oxunanlar
Yeni Xəbərlər
