Demensiya ilə bağlı yeni risk faktoru tapıldı
- 2024.07.31 12:48
- 1045 Baxış
Yüksək miqdarda qalıq xolesterin komponenti demensiya riskini artırır.
Medicina.az xəbər verir ki, bunu Cənubi Koreyanın Hallim Universiteti Tibb Kollecinin alimləri müəyyən ediblər.
Onların fikrincə, qalıq xolesterin komponentinin yüksək konsentrasiyası demensiya riskinin artması ilə əlaqəlidir.
Araşdırmanın nəticələri “The Lancet Healthy Longevity” jurnalında dərc olunub.
Bildirilir ki, lipoproteinlər - yüksək sıxlıqlı lipoprotein (HDL) və aşağı sıxlıqlı lipoprotein (LDL) - qan dövranında xolesterol və trigliseridləri daşıyan hissəciklərdir. Bu molekulların yüksək səviyyələri damar demensiyası və Alzheimer xəstəliyinin inkişaf riskinin artması ilə əlaqələndirilir.
Tədqiqatçılar Cənubi Koreyanın Milli Sağlamlıq Sığorta Xidmətinin (NHIS) məlumatlarından istifadə ediblər. Bu, demək olar ki, bütün əhalini əhatə edən məlumatlar qalıq xolesterin komponenti səviyyələri ilə demensiya riski arasındakı əlaqəni öyrənməni asanlaşdırıb.
Tədqiqatçılar diqqəti 2009-cu ildə Milli Sağlamlıq Sorğusunu tamamlayan 40 və daha yuxarı yaşda insanlara yönəldiblər. Ümumilikdə, 2 621 596 yetkin şəxsin məlumatları təhlil edilib. Onların təxminən 50%-i qadınlar olub.
İştirakçılar qalıq xolesterin səviyyələrinə görə dörd qrupa bölünüblər. Ən yüksək qrupu daha yüksək BMI, aclıq trigliseridləri, qlükoza səviyyələri, qan təzyiqi və aşağı, eləcə də yüksək sıxlıqlı lipoprotein (HDL) xolesterol konsentrasiyası olan kişilər təşkil edib.
Onlar, həmçinin siqaret çəkməyə, həddindən artıq spirtli içki qəbul etməyə və daha az məşq etməyə meylli olublar.
İştirakçıların sağlamlıq vəziyyəti ilə bağlı məlumatları aldıqdan sonra alimlər onları izləməyə başlayıblar. Müşahidə müddəti 10,3 il təşkil edib.
Nəticələr göstərib ki, ən yüksək qalıq xolesterin səviyyəsi olanların hər hansı səbəbdən demensiya inkişaf etdirmə ehtimalı digərlərinə nisbətən 11% daha çoxdur. Onlarda, həmçinin Alzheimer xəstəliyi (11%) və damar demensiyası riski (15%) artıq olub.
Tədqiqatçılar qeyd ediblər ki, gənc iştirakçılar və şəkərli diabet xəstələri bu xəstəliklərə daha həssasdırlar.
Aysel
Ən Çox Oxunanlar
Yeni Xəbərlər
