Daha bir həkim vəfat etdi

2024.01.26 15:23
1670 Baxış

Uzun müddət Göygöl Rayon Mərkəzi Xəstəxanasında fəaliyyət göstərən İslam Bayramov uzun sürən xəstəlikdən sonra vəfat edib.

"Medicina" xəbər verir ki, İslam Bayramov Tibb İnstitutunu bitirdikdən sonra

1975-ci ildə Səhiyyə Nazirliyinin təyinatı ilə Xanlar (indiki Göygöl) rayonunun Sanitar-epidemiologiya Stansiyasında həkim kimi fəaliyyət göstərmiş,

1984-cü ildə Xanlar rayon Profilaktiki Dezinfeksiya bölməsinə müdir, 1990-cı ildə isə Xanlar Rayon Mərkəzi Xəstəxanasının baş həkiminin əhaliyə tibbi xidmət üzrə müavini təyin edilmişdi.

1997-ci ildən Göygöl Rayon Mərkəzi Xəstəxanasının Tibbi statistika kabinetinin müdiri vəzifəsində çalışan İ.Bayramov yaş həddi ilə əlaqədar 2023-cü ildə vəzifəsindən ayrılmışdı.

I Qarabağ müharibəsinin veteranı olan həkim uzun sürən xəstəlikdən vəfat edib.

Allah rəhmət eləsin!